ادبغزل

کاش میں سچ مچ زندہ ہوتا

احمد کمال حشمی

کاش میں سب کے جیسا ہوتا
میں بھی اندھا، بہرا ہوتا

دنیا بیحد ٹیڑھی ہوتی
گر میں تھوڑا سیدھا ہوتا

سب کچھ اتنا سیدھا کیوں ہے
کچھ تو الٹا پلٹا ہوتا

آدھا پاکر سوچ رہا ہوں
کاش کہ پورا مانگا ہوتا

ایک کے گر سو ٹکڑے ہوتے
تھوڑا تھوڑا سب کا ہوتا

سب کہتے ہیں زندہ ہوں میں
کاش میں سچ مچ زندہ ہوتا

میری سو دو سو غزلوں میں
کوئی شعر غزل کا ہوتا

مزید دکھائیں

احمد کمال حشمی

احمد کمال حشمی مغربی بنگال کے مشہور و معروف شاعر ہیں۔ آپ کے کئی شعری مجموعے شائع ہوکر اربابِ نظر سے پذیرائی حاصل کرچکے ہیں۔ ’سفر مقدر ہے‘، ’ردعمل‘، ’آدھی غزلیں‘، ’چاند ستارے جگنو پھول‘ ان کے شعری مجموعوں کے نام ہیں۔ آپ کو مغربی بنگال اور بہار اردو اکادمیوں سمیت مختلف ادبی اداروں سے ایوارڈ سے بھی سرفراز کیا گیا ہے۔ احمد کمال حشمی ادب کی بے لوث خدمت انجام دے رہے ہیں، مختلف ادبی اداروں میں فعال کردار ادا کررہے ہیں اس کے علاوہ نئے ادیبوں اور شاعروں کو ادبی حلقوں میں متعارف کروانے اور ان کی تربیت میں پیش پیش رہتے ہیں۔ موصوف حکومت مغربی بنگال کے محکمہ اراضی میں افسر ہیں اور ان دنوں کولکاتا میں مقیم ہیں۔

متعلقہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

اسے بھی ملاحظہ فرمائیں

Close
Close