شمس الرحمن فارقی کے یوم تولد کی مناسبت سے منظوم تاثرات

احمد علی برقی اعظمی

شمس الرحمن کا ہے اردو میں سرِ فہرست نام

اپنے علمی تجزئوں سے ہیں جہاں میں نیک نام

عہدِ نو کی آج ہیں اک شخصیت وہ عبقری

میرے کہنے پر نہ جائیں خود ہی دیکھیں ان کے کام

ان کی معیاری کتب ہیں  ان کی خود اپنی شناخت

ان کا رخشِ فکر و فن ہوتا نہیں ہے بے لگام

میرؔ پر ہے ’’ شعر شور انگیز‘‘ ان کا شاہکار

میرؔ کی عظمت کو جس میں کررہے ہیں وہ سلام

شخصیت ہے ان کی اپنے آپ میں اک انجمن

عمر کے اس موڑ پر بھی ہیں وہ سب سے تیز گام

اردو کی ہر صنف پر رکھتے ہیں وہ گہری نظر

جاری و ساری ہے برقی ان کا اب بھی فیض عام



⋆ احمد علی برقی اعظمی

احمد علی برقی اعظمی
ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے