ادبنظم

عالمی یوم دل کی مناسبت سے منظوم تاثرات

یومِ دل پر دل میں آتا ہے خیال

احمد علی برقی ؔ اعظمی

یومِ دل پر دل میں آتا ہے خیال
زندگی بن دل کے جینا ہے محال

ڈبلیو ایچ او کا یہی پیغام ہے
دل کا رکھیں اپنے ہر لمحہ خیال

اس کی دھڑکن رک نہ جائے دیکھئے
دل میں پھیلا ہے نسوں کا ایک جال

بازوؤں میں جب بھی ہو محسوس درد
ایسے میں نزدیک ہو جو اسپتال

ڈاکٹر سے کیجئے جا کر رجوع
کرسکے جس سے وہ اس کی دیکھ بھال

زندگانی ہے اسی پر منحصر
دیکھئے یہ ہو نہ جائے پائمال

مانیں برقیؔ اعظمی کا مشورہ
ہے صحت کا آپ کی جس کو خیال

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Close