ادبغزل

نہ دیکھ تو اے مسافر تھکان کی جانب

سفر زمین سے ہے آسمان کی جانب

مجاہد ہادؔی ایلولوی

 نہ دیکھ تو اے مسافر تھکان کی جانب
"سفر زمین سے ہے آسمان کی جانب”

کسی بھی شخص پہ جب ظلم حد سے بڑھتا ہے
تو ہاتھ اٹھتا ہے تیر و کمان کی جانب

یہ نفرتوں کی تجارت کروں گے کب تک تم
چلے بھی آؤ اب امن و امان کی جانب

یہ خود نمائی کا جزبہ یہ شہرتوں کا نشہ
ہمیں بھی لے چلا ہے حکمران کی جانب

کلامِ پاک کی جس گھر میں بھی تلاوت ہو
بلائیں آتی نہیں اس مکان کی جانب

کہو تم ان سے جو اکثر سفر میں رہتے ہیں
کرے وہ نظرِ کرم اب کسان کی جانب

دکھادے طاقتِ پرواز اپنی ائے ہادؔی
نظر ہر اک کی ہے تیری اڑان کی جانب

مزید دکھائیں

مجاہد ہادؔی ایلولوی

تخلیقِ کارِ کلامِ دل پزیر شعر و سخن کا نیا ابھرتا ستارہ جناب مجاہد ہادؔی ایلولوی صاحب کا تعلق ہندوستان کے صوبہ گجرات سے ہیں, آپ پیشے سے عالمِ دین ہیں آپ نے اپنی ابتدائی تعلیم اپنے آبائی وطن ایلول میں حاصل کی اس کے بعد مزید عربی اردو اور فارسی کی تعلیم کے حصول کے لئے اپنے علاقہ کا معروف ادارہ ( جامعہ اسلامیہ امداد العلوم وڈالی) کا رخ کیا اور وہی سے 2016 میں سند فضیلت حاصل کی اور اس کے بعد سے اب تک احمدآباد کے قریب شہر بوٹاد میں مقیم ہیں آپ کا تعلیق گجرات کے ضلع سابرکانٹھا کے ایک علمی خاندان سے ہیں آپ کے والد محترم کا اسمِ گرامی عمر ابن محمد پشوا ہیں وہ بھی پیشے سے عالمِ دین ہیں, آپ افق شعر و سخن کا ایک چمکتا ستارہ ہیں اور نئی نسل کے فعال ترین شعراء میں سے ایک ہیں

متعلقہ

Close