ادبشخصیاتنظم

یاد رفتگاں: بیاد معروف شاعر و نغمہ نگار گوپال داس نیرج

ڈاکٹر احمد علی برقی اعظمی

گوپال داس نیرج تھے ایسے اک سخنور
گیتوں میں جن کے اُن کا کوئی نہیں تھا ہمسر

شعرو ادب کا جن میں ہے ذوق و شوق، اکثر
کرتے رہیں گے اُن کا سب ذکرِ خیر گھر گھر

علمی ہو یا کہ فلمی ہر گیت دلنشیں تھا
اشعار سے عیاں تھا اُن کے قلم کا جوہر

زورِ قلم سے اپنے ممتاز تھے جہاں میں
کرتے تھے وجد ان کے سب لوگ گیت سن کر

مر کر بھی ہیں وہ زندہ نغموں میں اپنے برقیؔ
ہندی ہو یا کہ اردو سب کو ہے ناز اُن پر

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Close