غزل

بعد میں بات میری سی کیجے 

پہلے میری برابری کیجے 

 جاوید صدیقی

بعد میں بات میری سی کیجے

پہلے میری برابری کیجے

ہم بُرے ہیں ! تباہ کر دینگے

آپ اچھوں سے دوستی کیجے

میں یہ اعلان عام کرتا ہوں

عشق مت کیجے! دلگی کیجے

ویسے سنئے ہر ایک کی باتیں

پر جو دل کو لگے سہی کیجے

آپ پر داغ ہی تو ہیں نہ ہم

اپنے داغوں میں کچھ کمی کیجے

آج یا کل جدا تو ہونا ہے

کیوں نہ یہ کام آج ہی کیجے

آپ کے بعد میں کدھر جاؤں

آپ ہی میری رہبری کیجے

آپ بدنام ہونا چاہتے ہیں ؟؟

آئیے ہم سے دوستی کیجے

دوسروں کو بھی بےوفا کہہ کر

دردِ شاداب میں کمی کیجے

مزید دکھائیں

جاوید صدیقی

اصل نام :احمد جاوید رضا صدیقی۔ قلمی نام، جاوید صدیقی۔ ولدیت: استاذالشعراء حضرت علامہ عبدالوحید صدیقی۔ آبائی وطن: حیات گنج پپرا شریف ضلع گونڈہ یوپی الہند۔ سکونت: لکھنؤ یوپی الہند۔ ابتدائی تعلیم والد بزرگوار کے زیر سایہ رہی۔ والد محترم کو نعتیہ شاعری کے آسمان پر ایک منور ستارے کی طرح جلوہ فرما ہونے کے تصدق آپ کے بھی قلب و ذہن پر شاعری اثر انگیز ثابت ہوئی۔ آپ نے پہلی شاعری جو کی وہ نبی پاکﷺ کی شان میں کہی اور یکے بعد دیگرے عمدہ ترین نعتیہ شاعری سے روشناس کرایا۔

متعلقہ

Close