غزل

حسن جاں دیکھ کے محجوب ہوئیں کلیاں بھی

ڈاکٹر محسن عتیق خان محسنؔ

حسن جاں دیکھ کے محجوب  ہوئیں کلیاں بھی

گل چمن کے سبھی مرجھائے ہوئے رہتے ہیں

ان کے عارض پہ وہ لہرائے ہوئے گیسو ہیں

قاتل عشق ہیں تلوار لئے رہتے ہیں

کر دیا حسن نے زہاد کو  پاگل مجنوں

خانقاہوں میں پئے جام پڑے رہتے ہیں

شیخ جی خوش ہیں کہ وعدہ تو کیا ہئے اس نے

شوق دیدار میں راہوں پہ کھڑے رہتے ہیں

ان سے شکووں کی بھلا  تاب  کسے  ہئے محسنؔ

ان کے آنے پے سبھی ہونٹ سلے رہتے ہیں

مزید دکھائیں

ڈاکٹر محسن عتیق خان

ڈاکٹر محسن عتیق خان معروف اونلائن عربی میگزین اقلام الھند کے ایڈیٹر انچیف ہیں اور ہندوستان میں عربی زبان کے واحد افسانہ نگارہیں۔ آپکے مختلف افسانے، مقالے اور مضامین ملک و بیرون ملک کے مختلف رسالوں میں شائع ہو چکے ہیں اور اسکے ساتھ ہی آپکی دو کتابیں بھی منظر عال پر آچکی ہیں۔

متعلقہ

Close