غزل

حماقتوں  کے  چراغ  لے  کر، محبتوں  کی سبیل ہونا 

تمہاری صحبت کا یہ ہے مطلب، قدم قدم پر ذلیل ہونا

جمیل اخترشفیق

حماقتوں  کے  چراغ  لے  کر،  محبتوں  کی سبیل ہونا

تمہاری صحبت کا یہ ہے مطلب، قدم قدم پر ذلیل ہونا

میں اپنےقد کوتوجانتا ہوں، مگریہ دنیاسمجھ رہی ہے

کہ کس کے قد کو  گھٹا رہا ہے، نزاکتوں کا  طویل ہونا

نئے زمانے کی لڑکیوں کو،یہ بات سمجھائے کون جاکر

ہے اعلا درجے کی بیوقوفی،کسی کی خاطر علیل ہونا

چلو کہ راہیں بدل  لیں اپنی، الگ الگ ہے ہماری منزل

نہیں ہے منظور ہم کو  ہمدم،تمہاری خاطر ذلیل  ہونا

جلانا پڑتا ہے خون سارا،تو جاکے ملتی ہے تھوڑی عزت

نہیں  ہے آسان  میرے بھائی، شفیق  رہ کر،  جمیل  ہونا

مزید دکھائیں

جمیل اختر شفیق

جمیل اخترشفیق صاحب کا تعلق صوبہ بہار کے مشہور ضلع سیتامڑھی کے باجپٹی بلاک کی ایک انتہائ پسماندہ بستی سنڈوارہ سے ہے۔ آپ شاعری کے علاوہ ملک کے درجنوں اخبارات ورسائل کے لیے زمانۂ طالبِ علمی ہی سے کالم لکھتے آئے ہیں اور خوب پڑھے جاتے رہے ہیں۔ ساتھ ہی ملک بھر میں مختلف مذہبی، ادبی، سماجی موضوعات پہ منعقد ہونے والے پروگرام میں بھی ان کی شرکت ہوتی رہتی ہے، ملک کے قد آور شعراء کی موجودگی میں وہ درجنوں آل انڈیا مشاعروں کی تاریخ ساز نظامت بھی کر چکے ہیں اور ایک کامیاب ناظم کی حیثیت سے بھی اُن کی شخصیت بڑی تیزی سے ابھر رہی ہے۔ ممبئ سے نشر ہونے والا ٹیوی چینل "آئی پلس ٹیوی" جسے دنیا بھر میں تین کروڑ سے زیادہ لوگ دیکھتے ہیں اس پہ "رنگ ونور ایک دینی مشاعرہ" کے تحت نشر ہونے والے مشاعرے کی نظامت کرتے ہوئے بھی انہیں ناظرین ہر جمعہ کو دن میں 2.30بجے اور رات میں 7.30بجے متواتر دیکھ رہے ہیں جو کہ بلاشبہ صوبہ بہار کی ادبی دنیا کے لیے فخر کی بات ہے۔

متعلقہ

Back to top button
Close