غزل

دیکھ رہے ہیں!

سالک ادؔیب بونتی

ہاتھوں پہ  دھرے  ہاتھ  کدِھر  دیکھ رہے  ہیں

چپ  چاپ    کھڑے  جلتا  نگر  دیکھ  رہے   ہیں

۔

منظر  لہو   لہو   ہے  مسلماں    کی   ذات    کا

ہم   لوگ    چائے   پیتے  خبر  دیکھ  رہے   ہیں

۔

چھائی ہوئی ہے بدلی بلاؤں  کی   ہر  طرف

اور  اہلِ    نظر   صرف نظر   دیکھ   رہے   ہیں

۔

کچھ لو گ ظالموں کی حمایت میں کھڑےہیں

انسان   پہ  ہم    موت  کا   ڈر  دیکھ  رہے  ہیں

۔

جاتی    نہیں    ہے   اپنی  صدا   آسمان     تک

سب    اپنے   گناہوں   کا   اثر   دیکھ   رہے ہیں

۔

جذبےہیں سرد منھ پہ   ہیں  تالے  لگے  ہوئے

جلتا   ہُوا   ہم     اپنا  ہی  گھر   دیکھ  رہے  ہیں

۔

حد   ہو گئی    ادؔیب   ستم  جھیلتے   ہیں  سب

کیوں بولتے نہیں   ہیں    اگر  دیکھ  رہے   ہیں  

مزید دکھائیں

متعلقہ

Close