غزل

سفر میں آتے ہیں مجھ کو نظر در و دیوار

ہیں میرے ساتھ مرے ہمسفر در و دیوار

احمد کمال حشمی

سفر میں آتے ہیں مجھ کو نظر در و دیوار

ہیں میرے ساتھ مرے ہمسفر در و دیوار

کسی بھی چھت کو بلندی کبھی نہیں ملتی

انہیں بٹھاتے نہ سر پر اگر در و دیوار

جنوں میں اور خرد میں عجب کشاکش ھے

طویل راہ ادھر ھے ادھر در و دیوار

ہیں ہجرتیں ہی مقدر تو مڑکے کیوں دیکھوں

کہیں نہ کردیں مری آنکھ تر در و دیوار

مزید دکھائیں

احمد کمال حشمی

احمد کمال حشمی مغربی بنگال کے مستند و معتبر شاعر ہیں۔ آپ کے کئی شعری مجموعے شائع ہوکر اربابِ نظر سے پذیرائی حاصل کرچکے ہیں۔ ’سفر مقدر ہے‘، ’ردعمل‘، ’آدھی غزلیں‘، ’چاند ستارے جگنو پھول‘ ان کے شعری مجموعوں کے نام ہیں۔ آپ کو مغربی بنگال اور بہار اردو اکادمیوں سمیت مختلف ادبی اداروں سے ایوارڈ سے بھی سرفراز کیا گیا ہے۔ احمد کمال حشمی ادب کی بے لوث خدمت انجام دے رہے ہیں، مختلف ادبی اداروں میں فعال کردار ادا کررہے ہیں اس کے علاوہ نئے ادیبوں اور شاعروں کو ادبی حلقوں میں متعارف کروانے اور ان کی تربیت میں پیش پیش رہتے ہیں۔ موصوف حکومت مغربی بنگال کے محکمہ اراضی میں افسر ہیں اور ان دنوں کولکاتا میں مقیم ہیں۔

متعلقہ

Close