غزل

غزل- اگر میری نظر تجھ پر جمی ہے

خان حسنین عاقبؔ

اگر میری نظر تجھ پر جمی ہے
تو دنیا کی ہر اک شئے کیوں تھمی ہے

یہاں رکھا تھا کل تابوت میرا
درویوار میں اب تک نمی ہے

بھلا ویسے تو تم اچھے بھلے ہو
جہاں دِل ہے، وہیں تھوڑی کمی ہے

حرارت اِس بدن میں کیا ملے گی
یہاں تو برف ہر اک سو جمی ہے

تمہیں اخلاص ہے مطلوب ہم سے
اِسی اک چیز کی تم میں کمی ہے

گھڑی میں تولہ اور ماشہ گھڑی میں
مزاجِ حسن عاقبؔ موسمی ہے

مزید دکھائیں

خان حسنین عاقب

خان حسنین عاقبؔ اردو ، ہندی اور انگریزی زبان و ادب کی معروف شخصیت ہیں۔ ان کی مطبوعہ کتابوں میں مجموعہ ء غزلیات ّرمِ آہوٗ ، ّخامہ سجدہ ریزٗ اور ّاقبالؔ بہ چشمِ دِل ٗ شامل ہیں۔ موصوف ترجمہ نگاری میں بھی اپنا مقام رکھتے ہیں۔ معاصر رسائل اور اخبارات میں ان کی شعری و نثری تحریریں شائع ہوتی رہتی ہیں۔

متعلقہ

Close