غزل

 پھر حوادث نے بھی رخ ہمارا کیا

حاکمِ  وقت  نے  جب  اشارا کیا

مجاہد ہادؔی ایلولوی

پھر حوادث نے بھی رخ ہمارا کیا
حاکمِ  وقت  نے  جب  اشارا کیا

دشمنوں کی بھی آنکھیں برسنے لگی
میری   بربادی  کا  جب  نظارا   کیا

نور سے اس کے روشن ہے سارا جہاں
جس  نے  ذروں کو  مثل  ستارا  کیا

جس کے در کے سوالی تھے خود حکمراں
ٹاٹ    پر    اس    نے    اپنا     گزارا    کیا

میرے آنگن میں جب شمع روشن ہوئی
اس  نے  آندھی  کو   فوراً  اشارا   کیا

ہم نے اپنے وطن کی حفاظت میں اب
سر   کٹانا   بھی   یارو   گوارا  کیا

بے ضمیروں کے ہاتھوں میں دے کر وطن
ہم    نے   اپنا    ہی   ہادؔی   خسارا    کیا

مزید دکھائیں

مجاہد ہادؔی ایلولوی

تخلیقِ کارِ کلامِ دل پزیر شعر و سخن کا نیا ابھرتا ستارہ جناب مجاہد ہادؔی ایلولوی صاحب کا تعلق ہندوستان کے صوبہ گجرات سے ہیں, آپ پیشے سے عالمِ دین ہیں آپ نے اپنی ابتدائی تعلیم اپنے آبائی وطن ایلول میں حاصل کی اس کے بعد مزید عربی اردو اور فارسی کی تعلیم کے حصول کے لئے اپنے علاقہ کا معروف ادارہ ( جامعہ اسلامیہ امداد العلوم وڈالی) کا رخ کیا اور وہی سے 2016 میں سند فضیلت حاصل کی اور اس کے بعد سے اب تک احمدآباد کے قریب شہر بوٹاد میں مقیم ہیں آپ کا تعلیق گجرات کے ضلع سابرکانٹھا کے ایک علمی خاندان سے ہیں آپ کے والد محترم کا اسمِ گرامی عمر ابن محمد پشوا ہیں وہ بھی پیشے سے عالمِ دین ہیں, آپ افق شعر و سخن کا ایک چمکتا ستارہ ہیں اور نئی نسل کے فعال ترین شعراء میں سے ایک ہیں

متعلقہ

Close