غزل

کبھی کبھی ہو ملاقات اچھا لگتا ہے

ڈاکٹر محسن عتیق خان

کبھی کبھی ہو ملاقات اچھا لگتا ہے

ملیں جو یار سے سوغات اچھا لگتا ہے

تمہارے ہجر میں حالت یہ ہو گئی اب تو

سنوں میں عشق کے نغمات اچھا لگتا ہے

تمہارے حسن کی بجلی گرے مرے دل پر

ہوں مشتعل مرے جذبات اچھا لگتا ہے

نہ وصل تیرا میسر ہو کوئی بات نہیں

ہو دید تیرا دن و رات اچھا لگتا ہے

ترے لبوں کے تبسم سے پھول کھلتے ہیں

ہو انجمن میں تری بات اچھا لگتا ہے

میں ہم سفر نہیں محسنؔ تو کوئی بات نہیں

ہوں پھر بھی تیری عنایات اچھا لگتا ہے

مزید دکھائیں

ڈاکٹر محسن عتیق خان

ڈاکٹر محسن عتیق خان معروف اونلائن عربی میگزین اقلام الھند کے ایڈیٹر انچیف ہیں اور ہندوستان میں عربی زبان کے واحد افسانہ نگارہیں۔ آپکے مختلف افسانے، مقالے اور مضامین ملک و بیرون ملک کے مختلف رسالوں میں شائع ہو چکے ہیں اور اسکے ساتھ ہی آپکی دو کتابیں بھی منظر عال پر آچکی ہیں۔

متعلقہ

Close