غزل

ہر طرف پھیلی ہے شہرت آپ کی

لگ رہی ہے اب تو قیمت آپ کی

مجاہد ہادؔی ایلولوی

 ہر طرف پھیلی ہے شہرت آپ کی
لگ رہی ہے اب تو قیمت آپ کی

کون دیکھے ہے یہ صورت آپ کی
سب کو پیاری ہے یہ دولت آپ کی

چاند تارے بھی اترنے ہیں لگے
کس قدر آباد ہے چھت آپ کی

قوم و ملت کی قیادت کے لئے
صاف ہو صورت سے سیرت آپ کی

گر نہ پائی آپ نے ماں کی دعا
تو بنے گی کیسے جنت آپ کی

ایک دن مظلوم کی اک بد دعا
پھونک ڈالے گی حکومت آپ کی

موت تک یوں ہی عمل کرتے رہو
رنگ لائے گی عبادت آپ کی

سب کا ہادؔی اب محافظ ہے خدا
کیا کرے کوئی حفاظت آپ کی

مزید دکھائیں

مجاہد ہادؔی ایلولوی

تخلیقِ کارِ کلامِ دل پزیر شعر و سخن کا نیا ابھرتا ستارہ جناب مجاہد ہادؔی ایلولوی صاحب کا تعلق ہندوستان کے صوبہ گجرات سے ہیں, آپ پیشے سے عالمِ دین ہیں آپ نے اپنی ابتدائی تعلیم اپنے آبائی وطن ایلول میں حاصل کی اس کے بعد مزید عربی اردو اور فارسی کی تعلیم کے حصول کے لئے اپنے علاقہ کا معروف ادارہ ( جامعہ اسلامیہ امداد العلوم وڈالی) کا رخ کیا اور وہی سے 2016 میں سند فضیلت حاصل کی اور اس کے بعد سے اب تک احمدآباد کے قریب شہر بوٹاد میں مقیم ہیں آپ کا تعلیق گجرات کے ضلع سابرکانٹھا کے ایک علمی خاندان سے ہیں آپ کے والد محترم کا اسمِ گرامی عمر ابن محمد پشوا ہیں وہ بھی پیشے سے عالمِ دین ہیں, آپ افق شعر و سخن کا ایک چمکتا ستارہ ہیں اور نئی نسل کے فعال ترین شعراء میں سے ایک ہیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ

Close