ہم سے دور رہ کر بھی مسکرائے جائو تم

ڈاکٹر محسن عتیق خان محسنؔ

ہم سے دور رہ کر بھی  مسکرائے جائو تم
ھر خوشی ملے تم کو پیار پائے جائو تم

پیرہن سلامت ہو دست برد سے سب کی
جس چمن میں بھی جائو چہچہائے جائو تم

آشنا کیا تم کو حال دل کہا تم سے
پھر بھی جو ستم چاہو مجھ پے ڈھائے جائو تم

گر یقیں نہ ہو تم کو میری صدق گوئی کا
جسقدر مجھے چاہو آزمائے جائو تم

مانا غیروں سے تم کو ہے نہیں ذرا ٖفرصت
پر کبھی مرے گھر بھی بن بلائے آئو تم

مجھ کو جام دے ساقی مئے کدہ میں آیا ہوں
درد بھول جائوں میں یوں پلائے جائو تم

فکر وصل یار کی کیوں تمہیں ستاتی ہئے
کچھ ہنر نہیں تم میں کیوں بلائے جائو تم

معتبر نہیں محسنؔ اب کوئی زمانے میں
تا کسی کو دل دے دو اور ستائے جائو تم

⋆ ڈاکٹر محسن عتیق خان

ڈاکٹر محسن عتیق خان

ڈاکٹر محسن عتیق خان معروف اونلائن عربی میگزین اقلام الھند کے ایڈیٹر انچیف ہیں اور ہندوستان میں عربی زبان کے واحد افسانہ نگارہیں۔ آپکے مختلف افسانے، مقالے اور مضامین ملک و بیرون ملک کے مختلف رسالوں میں شائع ہو چکے ہیں اور اسکے ساتھ ہی آپکی دو کتابیں بھی منظر عال پر آچکی ہیں۔

آپ اسے بھی پسند کر سکتے ہیں

چلی باد صبا راہ مدینہ

چلی باد  صبا  راہ  مدینہ جہاں  ٹھہرا محمد کا سفینہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے