غزل

ہم کو بازار میں لے آیا ہے

عشق اخبار میں لے آیا ہے

سحر محمود

ہم کو بازار میں لے آیا ہے

عشق اخبار میں لے آیا ہے

آج وہ دل میں چھپی نفرت کو

اپنی گفتار میں لے آیا ہے

جو بھی تھا اس کے تعلق سے گماں

عکس کردار میں لے آیا ہے

دل، جگر،جان سبھی آخر کار

وہ ترے پیار میں لے آیا ہے

مجھ کو آخر دلِ بے تاب مرا

محفلِ یار میں لے آیا ہے

اس کا احساسِ تکبر اس کو

صفِ نادار میں لے آیا ہے

اب نکلنا تو نہیں ممکن ہے

عشق منجدھار میں لے آیا ہے

پھر وہی قصۂ پارینہ سحر

دل کے دربار میں لے آیا ہے

مزید دکھائیں

سحر محمود

نام: فضل الرحمن قلمی نام: سحر محمود پیدائش (تاریخ و مقام): 26/08/1989 ، ابھراؤں ، کپل وستو، نیپال تعلیم: مکتب : مدرسہ مصباح العلوم، منخوریا شمالی۔ حفظ: معہد عثمان بن عفان، ذاکر نگر، دہلی۔(2006) عالمیت و فضیلت: جامعہ اسلامیہ سنابل، نئی دہلی۔(14-2013) بی- اے اردو (پرائیویٹ): جامعہ ملیہ اسلامیہ ، نئی دہلی (2018) مصروفیات: مارکیٹنگ مینیجر معروف قلمی خدمات (مقالات و کتب): بعض رسائل و جرائد میں مضامین و مقالات شائع ہو چکے ہیں۔ شعری مجموعہ : بنام “جہان آرزو” (2016) میں منظر عام پر آچکا ہے۔ پسندیدہ قلم کار: نثر نگاروں میں: ابن صفی ، مشتاق احمد یوسفی، سعادت حسن منٹو،ابو الکلام آزاد وغیرہ۔ شعرا میں : میر، غالب،علامہ اقبال،شکیل بدایونی، ساحر لدھیانوی، مجروح سلطانپوری،ناصر کاظمی، محسن نقوی، عباس تابش وغیرہ پسندیدہ کتابیں: زاد المعاد ( ابن قیم) غبارِ خاطر( ابو الکلام آزاد) جب زندگی شروع ہوگی ( ابو یحی- ان کی تمام تصنیفات) ۔ رہائش: تاہاچل، کٹھمنڈو ، نیپال رابطہ: 9811576091-977+ saharmahmood999@gmail.com

متعلقہ

Close