نعت

آقا کے شہر میں ہی مری صبح و شام ہو

مجاہد ہادؔی ایلولوی

 آقا  کے  شہر  میں ہی  مری صبح و  شام  ہو
طیبہ  کے زائرین میں میرا بھی نام ہو

۔

روئے   مبارک   آپ   کا  کتنا    حسین   تھا
لگتا  تھا  سب کو  ایسا   کہ ماہِ  تمام  ہو

۔

سب کچھ لُٹا بھی سکتا ہے دینِ حنیف پر
سرکار  کا  اگرچہ  وہ  ادنی  غلام  ہو

۔

ذکرِ رسول سے جسے ملتا سکون ہے
عرشِ  بریں سے  اس پہ خدایا  سلام  ہو

۔

ربُّ العُلی سے طیبہ کے زائر کی ہے دعا
ایسا قیام دیدے کہ جس میں دوام ہو

۔

کچھ دن مرے نصیب میں خالق ہو ایسے بھی
"مکہ میں صبح ہو تو مدینے میں شام ہو”

۔

آقا پہ  خود  کو  ہادؔی نے اتنا  مٹایا  ہے
اوروں سے جیسے دل کو لگانا حرام ہو

مزید دکھائیں

مجاہد ہادؔی ایلولوی

تخلیقِ کارِ کلامِ دل پزیر شعر و سخن کا نیا ابھرتا ستارہ جناب مجاہد ہادؔی ایلولوی صاحب کا تعلق ہندوستان کے صوبہ گجرات سے ہیں, آپ پیشے سے عالمِ دین ہیں آپ نے اپنی ابتدائی تعلیم اپنے آبائی وطن ایلول میں حاصل کی اس کے بعد مزید عربی اردو اور فارسی کی تعلیم کے حصول کے لئے اپنے علاقہ کا معروف ادارہ ( جامعہ اسلامیہ امداد العلوم وڈالی) کا رخ کیا اور وہی سے 2016 میں سند فضیلت حاصل کی اور اس کے بعد سے اب تک احمدآباد کے قریب شہر بوٹاد میں مقیم ہیں آپ کا تعلیق گجرات کے ضلع سابرکانٹھا کے ایک علمی خاندان سے ہیں آپ کے والد محترم کا اسمِ گرامی عمر ابن محمد پشوا ہیں وہ بھی پیشے سے عالمِ دین ہیں, آپ افق شعر و سخن کا ایک چمکتا ستارہ ہیں اور نئی نسل کے فعال ترین شعراء میں سے ایک ہیں

متعلقہ

Close