نعت

جو پیارے نبی کی اطاعت کریں گے

مجاہد ہادؔی ایلولوی

جو پیارے نبی کی اطاعت کریں گے
انہیں کی نبی جی شفاعت کریں گے

۔

وہ اتنے ہی آقا سے قربت میں ہوں گے
جو دنیا میں جتنی ریاضت کریں گے

۔

خدا جس  کی توصیف میں لب کشا ہے
"بیاں ان کی ہم کیا حقیقت کریں گے”

۔

بہشتِ بریں میں قیام اپنا ہوگا
حبیبِ خدا جب شفاعت کریں گے

۔

وجود اپنا ہم بھول جائیں گے یارو
ہم آقا کی جس پل زیارت کریں گے

۔

نبی کی یہ امت ہے مظلوم ہر سو
ہم آقا سے نصرت کی چاہت کریں گے

۔

سجے گی شہِ دیں کی جنت میں محفل
خدایا وہاں ہم بھی شرکت کریں گے

۔

مظالم یہاں تم ابھی سہ لو ہادؔی
کل آقا سے سب کی شکایت کریں گے

مزید دکھائیں

مجاہد ہادؔی ایلولوی

تخلیقِ کارِ کلامِ دل پزیر شعر و سخن کا نیا ابھرتا ستارہ جناب مجاہد ہادؔی ایلولوی صاحب کا تعلق ہندوستان کے صوبہ گجرات سے ہیں, آپ پیشے سے عالمِ دین ہیں آپ نے اپنی ابتدائی تعلیم اپنے آبائی وطن ایلول میں حاصل کی اس کے بعد مزید عربی اردو اور فارسی کی تعلیم کے حصول کے لئے اپنے علاقہ کا معروف ادارہ ( جامعہ اسلامیہ امداد العلوم وڈالی) کا رخ کیا اور وہی سے 2016 میں سند فضیلت حاصل کی اور اس کے بعد سے اب تک احمدآباد کے قریب شہر بوٹاد میں مقیم ہیں آپ کا تعلیق گجرات کے ضلع سابرکانٹھا کے ایک علمی خاندان سے ہیں آپ کے والد محترم کا اسمِ گرامی عمر ابن محمد پشوا ہیں وہ بھی پیشے سے عالمِ دین ہیں, آپ افق شعر و سخن کا ایک چمکتا ستارہ ہیں اور نئی نسل کے فعال ترین شعراء میں سے ایک ہیں

متعلقہ

Close