نعت

 رحمت  و   نور  کا  مرکز  ہے  دیار طیبہ

اس لیے جاں  سے  ہیں عشاق نثار طیبہ

ندیم سلطانپوری

 رحمت  و   نور  کا  مرکز  ہے  دیار طیبہ

اس لیے جاں  سے  ہیں عشاق نثار طیبہ

روضۂ سرور  عالم  ﷺ  ہے   شعار طیبہ

اور   اس  سے  ہی  منور  ہیں منار طیبہ

ہم غلام شہ طیبہ ہیں یقیں رکھتے ہیں

"جاکے دیکھیں گے کسی روزِ بہار طیبہ”

جلوۂ  جاناں  نظر آے گا ہر سو تجھ کو

اپنی آنکھوں  میں لگا  لے تو غبار طیبہ

گلشن  طیبہ کی  تو بات الگ ہے پیارے

کسی گلزار سےکچھ کم نہیں خار طیبہ

تاجدار   "ورفعنا”  ہے   وہاں  جلوہ نما

ہے  بلندی  پہ شب  و  روز  وقار طیبہ

تاکہ  مدفون  وہیں ہو یہ ندیم عاصی

یاخدا! اس کو عطا کر دے جوار طیبہ

مزید دکھائیں

متعلقہ

Back to top button
Close