نعت

سرکار کے صدقے میں ہمیں دین ملا ہے

یہ فضلِ خدا فضلِ خدا فضلِ خدا ہے

مجاہد ہادؔی ایلولوی

سرکار کے صدقے میں ہمیں دین ملا ہے
یہ فضلِ خدا فضلِ خدا فضلِ خدا ہے

سائینس پہنچ سکتی نہیں ان کے قدم تک
جو عرش پہ اللہ کا مہمان ہوا ہے

سرکار دو عالم کا تھا وہ معجزہ یارو
ورنہ تو عصا کب بھلا تلوار بنا ہے

دنیا کے طبیبوں سے علاج اس کا نہ ہوگا
دل عشق میں سرکار کے بیمار ہوا ہے

سر سجدے میں رکھ کر میں جہاں سے ہوا غافل
یہ خوفِ خدا آقا کے صدقے میں ملا ہے

ائے کاش بلالیں مجھے طیبہ مرے سرکار
قسمت کا سکندر ہے جو اس در کا گدا ہے

بےچین مرا دل تھا طبیعت بھی تھی ناساز
دیدارِ مدینہ سے سکوں دل کو ملا ہے

طیبہ کا سفر ہو تو سنور جائے مقدر
ورنہ تو مجاہؔد یہاں لاچار پڑا ہے

مزید دکھائیں

مجاہد ہادؔی ایلولوی

تخلیقِ کارِ کلامِ دل پزیر شعر و سخن کا نیا ابھرتا ستارہ جناب مجاہد ہادؔی ایلولوی صاحب کا تعلق ہندوستان کے صوبہ گجرات سے ہیں, آپ پیشے سے عالمِ دین ہیں آپ نے اپنی ابتدائی تعلیم اپنے آبائی وطن ایلول میں حاصل کی اس کے بعد مزید عربی اردو اور فارسی کی تعلیم کے حصول کے لئے اپنے علاقہ کا معروف ادارہ ( جامعہ اسلامیہ امداد العلوم وڈالی) کا رخ کیا اور وہی سے 2016 میں سند فضیلت حاصل کی اور اس کے بعد سے اب تک احمدآباد کے قریب شہر بوٹاد میں مقیم ہیں آپ کا تعلیق گجرات کے ضلع سابرکانٹھا کے ایک علمی خاندان سے ہیں آپ کے والد محترم کا اسمِ گرامی عمر ابن محمد پشوا ہیں وہ بھی پیشے سے عالمِ دین ہیں, آپ افق شعر و سخن کا ایک چمکتا ستارہ ہیں اور نئی نسل کے فعال ترین شعراء میں سے ایک ہیں

متعلقہ

Close