نعت

عیدِ میلاد النبیﷺ اللہ کا فیضان ہے

احمد علی برقیؔ اعظمی

عیدِ میلادالنبیﷺ اللہ کا فیضان ہے

اِس کی عظمت میری نظروں میں عظیم الشان ہے

آج ہی آئے جہاں میں رحمت اللعٰلمیں

ہے اُنھیں کی ذات جو اسلام کی پہچان ہے

اہلِ ایماں کے لئے ہے جان و دل سے یہ عزیز

ہے انھیں کا فیض جو پیشِ نظر قرآن ہے

ذات ہے قرآنِ ناطق احمدِ مختارکی

گُفتۂ خیرالبشر اللہ کا فرمان ہے

کون ہے اُن کے سوا وجہہِ وجودِ کائنات

وہ سمجھتے ہیں اسے حاصل جنھیں عرفان ہے

سب کی بخش کا وسیلہ ہے انھیں کی ذاتِ پاک

شافعِ محشر وہی ہیں میرا یہ ایمان ہے

تھے شبِ معراج وہ برقیؔ خدا سے ہمکلام

ہے جہاں میں کو ن جو اللہ کا مہمان ہے

یہ مصنف کی ذاتی رائے ہے۔
(اس ویب سائٹ کے مضامین کوعام کرنے میں ہمارا تعاون کیجیے۔)
Disclaimer: The opinions expressed within this article/piece are personal views of the author; and do not reflect the views of the Mazameen.com. The Mazameen.com does not assume any responsibility or liability for the same.)


مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

اسے بھی ملاحظہ فرمائیں

Close
Close