نعت

 نعتِ رسولِ اکرم صلی الله عليه وسلم

رد نہیں ہوتی کبھی، احمد مختار کی بات 

مولانا شہنواز عالم رضوی

 (کلکتہ)

رد نہیں ہوتی کبھی، احمد مختار کی بات

بات ہے رب کی یقیناََ شہ ابرار کی بات

کیا غرض ہم کو کریں تیر کی، تلوار کی بات

ہم مسلمان ہیں، کرتے ہیں سدا پیار کی بات

رحمت و نور کی برسات کا ہوتا ہے نزول

محفلِ ذکر میں جب ہوتی ہے سرکار  کی بات

زلف واللیل ہے مازاغ ہیں آنکھیں ان کی

پڑھیے قرآن میں سرکار کے رخسار کی بات

ایسے داتا ہیں عطا کرتے ہیں جو بھی مانگے

میرے سرکار نہیں کرتے ہیں انکار کی بات

مدحتِ شاہِ امم کیجئے ہر دم عالم

ہوگی پھر چاروں طرف آپ کے اشعار کی بات

مزید دکھائیں

متعلقہ

Close