نظم

آہ سلیم ؔ صدیقی

احمد علی برقی اعظمی

فخر دوراں سلیمؔ صدیقی
وقت سے پہلے ساتھ چھوڑ گئے

تھے صحافت کا اک ستوں محکم
جس سے رشتہ وہ اپنا توڑ گئے

بیوی کی مرگ ناگہاں کے بعد
خونِ دل اپنا وہ نچوڑ گئے

شعری مجموعہ تھا ’’تمھارے بعد‘‘
تار اپنا وہ اس سے جوڑ گئے

تھے صحافت کی معتبر آواز
جس سے رُخ وقت کا وہ موڑ گئے

ان کے غم میں ہیں سوگوار سبھی
جاتے جاتے جنھیں وہ توڑ گئے

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Close