نظم

ارحم نوخیز اعظمی کو ناسا کی جانب سے مدعو کئے جانے پر منظوم تاثرات

احمد علی برقیؔ اعظمی

ڈاکٹر نوخیز کا بیٹا ہے ارحم اعظمی
قابل تقلید ہے جس کی مثالی زندگی

فیض سے سائنس کے ہے ضوفشاں اس کا دماغ
جس کی پھیلائے گا وہ ناسا میں جا کر روشنی

دیکھتا ہے وہ ابھی سے چاند پر بسنے کے خواب
اس کے اس ذوقِ تجسس میں نہ ہو کوئی کمی

ہے دعا ناسا کو اس کی پیشکش آئے پسند
اُس کی ہے تحقیق کا عنواں خلا میں زندگی

مستحق ہیں داد اور تحسیں کے اس کے والدین
جن کا فیضِ تربیت ہے اس کی عصری آگہی

کام سے روشن کرے وہ اپنے اعظم گڈھ کا نام
پیش کرتا ہے اسے تبریک برقیؔ اعظمی

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Close