نظم

بیادِ نامور صحافی جی ڈی چندن

جی ڈی چندن تھے صحافت کے امام 

احمد علی برقی اعظمی

جی ڈی چندن تھے صحافت کے امام

جاری و ساری ہے جن کا فیض عام
تھا صحافت ان کا فطری مشغلہ
عہدِ نو کے تھے صحافی نیک نام
لکھتے تھے سود و زیاں سے بے نیاز
اس لئے تھے لایقِ صد احترام
کارنامے ان کے ہیں وردِ زباں
لیتے ہیں عزت سے ان کا لوگ نام
تھا طویل اردو صحافت کا سفر
جس میں وہ رہتے تھے سب سے تیز گام
تھے فروغ اردو میں وہ پیشگام
ان کی عملی زندگی کی یادگار
ہیں کئی ان کے نقوشِ بادوام
تھیں بہت سی ان میں برقی خوبیاں
صلح کُل کا دیتے تھے سب کو پیام

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ

Close