نظم

دادا صاحب پھالکے کے یوم ولادت پرمنظوم خراج عقیدت

احمد علی برقی اعظمی

دادا صاحب پھالکے ہے  فیلمی دنیا کا وہ نام

جس کی عظمت کے نشاں ہیں قابلِ صد احترام

کررہا ہے پیش گوگل آج اسے اپنا خراج

ملک و ملت کا کیا ہے جس نے روشن اپنے نام

فلمی دنیا میں تھی اس کی شخصیت ہردلعزیز

نام پر ہے اس لئے سب سے بڑا اس کے انعام

خدمتیں جاتی نہیں ہر گز کسی کی رایگاں

رہتے ہیں وردِ زباں اس کے سبھی نقشِ دوام

دادا صاحب پھالکے بھی تھے اُنہیں لوگوں میں ایک

زیبِ تاریخِ جہاں ہیں آج جن کے اپنے کام

کہتے ہیں ان کو سبھی ہندی سنیما کا پدر

اس سے بڑھ کر اور کیا ہوگا کسی کا احترام

مٹ نہیں سکتے کبھی جن کے نقوشِ جاوداں

پیش کرتا ہے اُنہیں احمد علی برقی سلام

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Close