نظم

عالمی کتاب میلہ: منظوم تاثرات

احمد علی برقیؔ اعظمی

ہے کتابی میلہ اک آئینۂ نقد و نظر

اس حقیقت سے سبھی اہلِ نظر ہیں باخبر

ہیں کتابیں علم و فن کا ایک گنجِ شایگاں

سامنے جو جلوہ گر ہیں سب کے تاحدِ نظر

عمر کے ہر دور میں ہیں نوعِ انساں کی رفیق

کرتی ہیں ہر چیز سے ہم کو کتابیں باخبر

پرگتی میداں جیسے عالمی اک گاؤں ہو

ہرزباں میں ہیں کتابیں مرجعِ اہلِ نظر

فلسفہ، سائنس، تاریخِ ادب، جغرافیہ

دین و دنیا کا ہر اک عنوان ہے پیشِ نظر

جن کو ہے ذوقِ کُتُب بینی یہاں موجود ہیں

ہیں کتابیں ان کی نظروں میں بہ از لعل و گُہر

گرچہ انٹرنیٹ پہ ہیں برقی کتابیں دستیاب

اقتضائے وقت ہے لائیں کتابیں اپنے گھر

چاہتے ہیں گر ثقافت آپ کی محفوظ ہو

مَت کریں برقیؔ کتابوں سے کبھی قطعِ نظر

یہ مصنف کی ذاتی رائے ہے۔
(اس ویب سائٹ کے مضامین کوعام کرنے میں ہمارا تعاون کیجیے۔)
Disclaimer: The opinions expressed within this article/piece are personal views of the author; and do not reflect the views of the Mazameen.com. The Mazameen.com does not assume any responsibility or liability for the same.)


مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close