نظم

عالمی یوم مادری زبان

احمد علی برقیؔ اعظمی

ہے جاں سے بھی عزیز ہمیں مادری زباں
اپنی زبان اپنے تشخص کا ہے نشاں

.

ہے مادری زباں مری اردو ہے جس کا نام
جمہوریت کی روح ہے یہ لشکری زباں

.

حاصل ہے صرف اردو زباں کو یہ امتیاز
ہے قومی اتحاد کی ایسی یہ داستاں

.

یکساں ہیں جس میں ہندو و مسلم سبھی شریک
چکبستؔ اور نسیم ؔ تھے غالب ؔ کے ہمزباں

.

تھے سرکشنؔ پرساد کہیں اور کہیں فراقؔ
منشی نولکشور بھی تھے اس کے پاسباں

.

خونِ جگر سے سینچا ہے ہر قوم نے اسے
در اصل روح عصر کی اردو ہے ترجماں

.

اکیس فروری کو مناتے ہیں سب یہ دن
اپنی زباں بھی آج ہے اک عالمی زباں

.

برقیؔ نہ جانے کیوں ہیں یہ آپس میں بدگماں
ہندی و اردو تھیں کبھی اچھی سہیلیاں

یہ مصنف کی ذاتی رائے ہے۔
(اس ویب سائٹ کے مضامین کوعام کرنے میں ہمارا تعاون کیجیے۔)
Disclaimer: The opinions expressed within this article/piece are personal views of the author; and do not reflect the views of the Mazameen.com. The Mazameen.com does not assume any responsibility or liability for the same.)


مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

اسے بھی ملاحظہ فرمائیں

Close
Close