نظم

عِلما افروز کی آئی پی ایس کے امتحان میں نمایاں کامیابی پر تبریک و تہنیت

عِلما کے عزمِ مصمم کو سلام

احمد علی برقی اعظمی

عِلما کے عزمِ مصمم کو سلام

دیتا ہے جو فتح و نصرت کا پیام

اس کے ہوں شرمندۂ تعبیر خواب

ملک و ملت کا کرے روشن یہ نام

پیش کرتا ہوں اسے میں تہنیت

کارناموں سے ہو اپنے نیک نام

لایقِ تحسیں ہے اس کا حوصلہ

ہو فزوں تر دن بہ دن اس کا مقام

کامیابی کی ضمانت ہے لگن

ہے اسی محنت کا اس کی یہ انعام

ہے یہ لڑکوں کے لئے درسِ عمل
ہے یہ لڑکی لایقِ صد احترام

ہے یہ بیحد حوصلہ افزا خبر

بادۂ عشرت کا ہے جو ایک جام

اس کی قسمت کا ستارہ ہو بلند

ہو یہ برقی مرجعِ ہر خاص و عام 

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Close