نظم

مایۂ ناز و شہرۂ آفاق فلمی اداکار قادر خاں کے سانحہ ارتحال پر منظوم خراج عقیدت

احمد علی برقی ؔ اعظمی

فخرِ ہندوستاں تھے قار خاں
فلمی دنیا کی جاں تھے قادر خاں

ہند ہو یا کہ وہ کنیڈا ہو
سرخرو تھے جہاں تھے قادر خاں

ان کی فلموں کے ہیں سبھی مداح
سب کے وِردِ زباں تھے قادرخاں

تھے وہ ہردلعزیز اک فنکار
فخرِ دانشوراں تھے قادر خاں

وہ ہنساتے تھے رونے والوں کو
روحِ زندہ دلاں تھے قادر خاں

اپنے بے مثل کارناموں سے
عظمتوں کا نشاں تھے قادر خاں

زندگی سے تھے اپنی جو مایوس
اُب کی تاب و تواں تھے قادرخاں

لب و لہجے سے اپنے فلموں میں
حُسنِ اردو زباں تھے قادر خاں

کامرانی و سربلندی کی
دلنشیں داستاں تھے قادر خاں

آسمانِ ادب پہ بھی برقیؔ
ضوفشاں کہکشاں تھے قادرخاں

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ

Close