نظم

محترم سردارعلی  کی اہلیہ کے سانحہ ارتحال پر منظوم تاثرات

احمد علی برقیؔ اعظمی

ہو گئیں سردار علی کی اہلیہ ان سے جدا
قبض کر کے روح ان کی لے گیا پیک قضا

پیکر حسن عمل تھی ان کی عملی زندگی
جنت الفردوس میں ہو مہرباں ان پر خدا

گلشن ہستی میں تھی جس سے بہار جانفزا
ختم دیرینہ رفاقت کا ہوا وہ سلسلا

ان کی رحلت صدمہ جانکاہ ہے جن کے لئے
کررہے ہیں مغفرت کی ان کی وہ رب سے دعا

جملہ اہل خانداں سے ان کو تھا بیحد لگاؤ
ان کے سینے میں دھڑکتا تھا دل درد آشنا

ہے یہی قانون قدرت سب یہاں مجبور ہیں
کوچ کرنا ہے سبھی کو جانب دارالبقا

جنت الفردوس میں درجات ہوں ان کے بلند
ان کے حسن خلق کی برقیؔ ملے ان کو جزا

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Close