نظم

مشتاق دربھنگوی کو عالمی شعراء کی ڈائریکٹری ’گوش بر آواز‘ کی اشاعت پر منظوم تبریک و تہنیت

احمد علی برقیؔ اعظمی

فخرِ اردو ہیں مشتاقؔ دربھنگوی

ہے ثبوت اس کا اُن کی یہ ڈائریکٹری

رابطے کی ہے اُن سے یہ دلکش کڑی

ہے یہ شعرا ء کی فہرست اک عالمی

پیش کرتا ہوں اِس کی اُنہیں تہنیت

اُن کی خدمات کی ہے یہ جلوہ گری


اُن کا تاریخ اردو میں اس کام سے
نامِ نامی رہے گا بخطِ جلی


قدرداں کیوں نہ اُن کے ہوں برقیؔ سبھی
شخصیت عہدِ نو کی ہیں وہ عبقری

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

ایک تبصرہ

متعلقہ

Close