نظم

مضامین ڈاٹ کام کی اینڈرائڈ ایپ کی رسمِ اجرا پر منظوم تاثرات

دیکھئے گوگل پلے پر بھی مضامیں ڈاٹ کام

احمد علی برقیؔ اعظمی

دیکھئے گوگل پلے پر بھی مضامیں ڈاٹ کام
رسمِ اجرا کا ہوا جس کی قطر میں اہتمام

کرلیا تکمیل اس نے اپنا دوسالہ سفر
ہوگا اب گوگل پہ بھی یہ مرجعِ ہر خاص و عام

اردو دنیا کے لئے ہے روح پرور یہ خبر
اہلِ دانش کے لئے ہے بادۂ عشرت کا جام

پیش کرتا ہوں مبارکباد میں اس کی اسے
جانفشانی سے یونہی کرتا رہے یہ اپنا کام

خالد سیف اللہ اثری ہیں جو اس کے مہتمم
زیب تاریخِ ادب ہو ان کا یہ نقشِ دوام

ہورہی ہے بارآور کاوشِ عرفاں وحید
اور ہوں خدمات سے اپنی وہ برقیؔ نیک نام

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Close