نظم

نذرِ مسیح الملک، مجاہد جنگ آزادی و طبیب حاذق ہندوستان حکیم اجمل خان مرحوم

ڈاکٹر احمد علی برقی اعظمی

ابن سینائے ہند اجمل خاں

ہیں جہاں میں سبھی کے وردِ زباں

ان کے مداح سب ہیں پیر وجواں

ان کا احساں ہے ہم پہ بے پایاں

طب کی دنیا میں تھےمسیح الملک

آشنا جس سے ہیں سب اہلِ جہاں

زیب تاریخ جنگِ آزادی

ہے عیاں سب پہ ان کا نام و نشاں

تھے وہ سرخیل طب یونانی

اب ملیں گے طبیب ایسے کہاں

ان کی ’’ حاذق ‘‘ ہے مثلِ ’’ القانون ‘‘

جس سے روشن ہے نامِ ہندوستاں

ہے ادھورا یہ ذکر ان کے بغیر

طب کے وہ ہند میں تھے روح رواں

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Back to top button
Close