نظم

ورلڈ وایڈ ویب کی تیسویں سالگرہ پر منظوم تاثرات

ڈاکٹر احمد علی برقیؔ اعظمی

ورلڈ وایب ویب کا ہے یہ تیس سالہ جشن آج
آج ہی کے دن ہوا تھا اس کا عالم میں رواج

ختم جس سے آج قُرب و بُعد کے ہیں فاصلے
دیتا ہے گوگل کا ڈوڈل بھی اسے اپنا خراج

آج اِنٹرنیٹ پہ ہے ہر چیز کا دارومدار
ابن آدم کے دلوں پر کررہا ہے اب جو راج

جملہ سوشل میڈیا کا ہے اسی پر انحصار
مُنعکس ہوتا ہے جس سے عہدِ حاضر کا مزاج

کام ہو سکتا نہیں پورا کوئی اس کے بغیر
ورڈ وایڈ ویب کا ہے سارے جہاں میں اب رواج

زندگی کا کوئی بھی گوشہ نہیں اس سے الگ
ورلڈ وایڈ ویب کا ہے ہر چیز میں اب امتزاج

اشبِ دوراں کی ہے اس کے ہی ہاتھوں میں لگام
ہر جگہ محتاج ہے اس دور میں اس کا سماج

فیس بُک ، ٹویٹر ہو برقیؔ یا کہ ہو وہ واٹس ایپ
یہ نہ ہو تو ان کا رک جائے گا سارا کام کاج

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Back to top button
Close