نظم

وزیر اعظم نیوزی لینڈ محترمہ  جسیندا اردرن کی انسان نوازی پر فی البدیہہ منظوم تاثرات 

ڈاکٹر احمد علی برقی اعظمی

جسندا کی شفقت ہے تاریخ ساز

جہاں میں ہے حاصل جسے امتیاز

یہ انسانیت کی ہے ایسی مثال

ہے جس پر بنی نوع انساں کو ناز

یہ حسن عمل اس کا ہے بے نظیر

ہے عہد رواں میں جو انساں نواز

ہے ورد زباں سب کے آج اس کا نام

شکستہ دلوں کی ہے جو کارساز

یہ ہے دلنوازی کا اوج کمال

نہاں جس میں ہے اس کی شہرت کا راز

ہے برقی وہ حسن عمل لازوال

جو سود و زیاں سے رہے بے نیاز

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Back to top button
Close