نظم

یاد رفتگاں: بیاد رفعت سروش مرحوم

ڈاکٹر احمد علی برقی اعظمی

ریڈیو کی شان تھے رفعت سروش

جس کی اک پہچان تھے رفعت سروش

اردو مجلس کا تھے اس کی وہ وقار

زندہ دل انسان تھے رفعت سروش

ان کے ہیں مداح ارباب نظر

شانِ ہندوستان تھے رفعت سروش

ان کی ۸۷ کُتُب ہیں یادگار

جن کا خود عنوان تھے رفعت سروش

تھے وہ اپنی ذات میں اک انجمن

شاعرِ ذیشان تھے رفعت سروش

یاد کرتا ہے انہیں اے آئی آر

جس کی برقی جان تھے رفعت سروش

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ

Close