افسانہ

"سیٹھانی کا کُتا”

شین زاد

ﻭﮦ ﺍﭘﻨﺎ ﮈﮬﺎﻧﭽﮧ ﭼﺒﺎﻧﺎ ﭼﺎﮨﺘﺎ ﺗﮭﺎ۔۔۔۔۔۔۔
ﺍﻧﺴﺎﻥ ﮐﺒﮭﯽ ﻧﮩﯿﮟ ﺑﮭﻮﻧﮑﺘﮯ ﻟﯿﮑﻦ ﻭﮦ ﺳﻼﺧﻮﮞ ﮐﮯ ﭘﯿﭽﮭﮯ ﻣﺴﻠﺴﻞ ﺑﮭﻮﻧﮏ ﺭﮨﺎ ﺗﮭﺎ۔ ﺗﮭﻮﮎ ﮐﻒ ﮐﯽ ﺻﻮﺭﺕ ﺍُﺱ ﮐﯽ ﺑﺎ ﻧﭽﮭﻮﮞ ﺳﮯ ﺑﮩﮧ ﺭﮨﺎ ﺗﮭﺎ،ﭘﯿﺮﻭﮞ ﻣﯿﮟ ﺯﻧﺠﯿﺮﭘﮍﯼ ﺗﮭﯽ ﺍﻭﺭ ﻭﮦ ﮐُﺘﮯ ﮐﯽ ﻃﺮﺡ ﺯﻣﯿﻦ ﭘﺮ ﺑﯿﭩﮭﺎ ﺳﺎﻣﻨﮯ ﺭﮐﮭﯽ ﭘﻠﯿﭧ ﻣﯿﮟ ﻣﻮﺟﻮﺩ ﺍُﺑﻠﮯ ﭼﺎﻭﻟﻮﮞ ﭘﺮ ﻣﻨﮧ ﻣﺎﺭ ﺭﮨﺎﺗﮭﺎ۔ ﻣُﺠﮭﮯ ﺍُﺱ ﮐﯽ ﺍﺱ ﺣﺎﻟﺖ ﻣﯿﮟ ﯾﮩﺎﮞ ﻣﻮﺟﻮﺩﮔﯽ ﭘﺮ ﺣﯿﺮﺕ ﮐﮯ ﺳﺎﺗﮫ ﺳﺎﺗﮫ ﺍﻓﺴﻮﺱ ﺑﮭﯽ ﮨﻮ ﺭﮨﺎ ﺗﮭﺎ۔ ﻣﯿﮟ ﺍُﺳﮯ ﭘﮩﭽﺎﻥ ﮐﺮ ﺑﮭﯽ ﻧﮭﯿﮟ ﭘﮩﭽﺎﻧﻨﺎﭼﺎﮨﺘﺎ ﺗﮭﺎﻟﯿﮑﻦ ﭘﺎﮔﻞ ﺧﺎﻧﮯ ﮐﺎ ﺍﻧﭽﺎﺭﺝ ﮈﺍﮐﭩﺮ ﺳﻨﮕﮫ ﻣﺴﻠﺴﻞ ﺑﻮﻟﮯ ﺟﺎ ﺭﮨﺎ ﺗﮭﺎ۔
ﺍﺱ ﮐﺎ ﻧﺎﻡ ﻣﯿﺮﻭُ ﮨﮯ۔۔۔۔۔۔۔۔۔ﺍﺳﮯ ﺟﯿﻞ ﺳﮯ ﭘﺎﮔﻞ ﺧﺎﻧﮯ ﺑﮭﯿﺠﺎ ﮔﯿﺎ ﮨﮯ ﺟﮩﺎﮞ ﯾﮧ ﺳﺰﺍ ﮐﺎﭦ ﺭﮨﺎ ﺗﮭﺎ۔ ﭘﺎﮔﻞ ﭘﻦ ﮐﺎ ﺩﻭﺭﮦ ﺍﺳﮯ ﻭﮨﯿﮟ ﭘﮍﺍ ﺗﮭﺎ۔ﺍﺱ ﻧﮯ ﺍﯾﮏ ﺳﺎﺗﮭﯽ ﻗﯿﺪﯼ ﮐﻮ ﮐﺎﭨﻨﮯ ﮐﯽ ﮐﻮﺷﺶ ﮐﯽ ﺗﮭﯽ ۔ ﺁﺝ ﺳﮯ ﭼﮫ ﻣﺎﮦ ﭘﮩﻠﮯ ﺟﺐ ﯾﮧ ﯾﮩﺎﮞ ﺁﯾﺎ ﺗﻮ ﺳﺨﺖ ﺯﺧﻤﯽ ﺗﮭﺎ ۔ ﺷﺎ ﺋﯿﺪ ﺟﯿﻞ ﻭﺍﻟﻮﮞ ﻧﮯ ﺍﭘﻨﮯ ﻃﻮﺭ ﺍﺱ ﮐﺎ ﻋﻼﺝ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﮭﯽ ﻟﯿﮑﻦ۔۔۔۔۔۔۔۔۔۔۔۔۔۔۔
’’ ﮐﯿﺎ ﺍﺱ ﮐﺎ ﻋﻼﺝ ﻣﻤﮑﻦ ﮨﮯ ‘‘ ﻣﯿﮟ ﻧﮯ ﮈﺍﮐﭩﺮ ﺳﻨﮕﮫ ﺳﮯ ﭘﻮﭼﮭﺎ۔
’’ ﺟﯽ ﻧﮩﯿﮟ ‘‘ ﮈﺍﮐﭩﺮ ﺳﻨﮕﮫ ﻧﮯ ﺟﻮﺍﺏ ﺩﯾﺎ۔ﺁﺧﺮﯼ ﺳﭩﯿﺞ ﮐﮯ ﭘﺎﮔﻠﻮﮞ ﮐﯽ ﮐﮭﻮﭘﮍﯼ ﻣﯿﮟ ﻣﻐﺰ ﻧﮩﯿﮟ ﭘﺎﻧﯽ ﮨﻮﺗﺎ ﮨﮯ ﭘﺎﻧﯽ۔
’’ ﮨﺎﮞ ﺍﯾﺴﺎ ﮨﯽ ﮨﻮﮔﺎ ﮐﮧ ﻏﺮﯾﺐ ﺧﻮﺍﮨﺸﻮﮞ ﺍﻭﺭ ﻧﺎﮐﺎﻣﯿﻮﮞ ﭘﺮ ﺍﭘﻨﮯ ﺁﻧﺴﻮﺳﺪﺍ ﺍﻧﺪﺭﮨﯽ ﺍﻧﺪﺭ ﻣﻨﺘﻘﻞ ﮐﺮﺗﮯ ﮨﯿﮟ، ﻣﯿﺮﻭ ﮐﯽ ﮐﮭﻮﭘﮍﯼ ﻣﯿﮟ ﺑﮭﯽ ﻭﮨﯽ ﺍٓﻧﺴﻮ ﮨﻮﮞ ﮔﮯ ‘‘ ۔
’’ ﮐﯿﺎ ﺁﭖ ﺍﺳﮯ ﺟﺎﻧﺘﮯ ﮨﯿﮟ؟ ‘‘ ﮈﺍﮐﭩﺮ ﺳﻨﮕﮫ ﮐﯽ ﺁﻭﺍﺯ ﻣﯿﮟ ﺣﯿﺮﺕ ﺍﻭﺭ ﺍﺷﺘﯿﺎﻕ ﮐﺎ ﻣﻼﺟﻼ ﺗﺎﺛﺮﺗﮭﺎ۔
’’ ﻧﮩﯿﮟ ‘‘ ۔ ﻣﯿﮟ ﺍﺳﮯ ﻧﮩﯿﮟ ﺟﺎﻧﺘﺎ ﮈﺍﮐﭩﺮ ‘‘ ﻣﯿﮟ ﻧﮯ ﺻﺎﻑ ﺟﮭﻮﭦ ﺑﻮﻻ۔
ﻣﯿﺮﻭ ﺳﮯ ﻣﯿﺮﯼ ﭘﮩﻠﯽ ﻣﻼﻗﺎﺕ ﺍُﺱ ﺗﺎﺭﯾﮏ ﺭﺍﺕ ﻣﯿﮟ ﮨﻮﺋﯽ ﺗﮭﯽ ﺟﺐ ﻣﻮﺳﻼﺩﮬﺎﺭ ﺑﺎﺭﺵ ﺟﺎﺭﯼ ﺗﮭﯽ۔ﺍﻭﺭ ﻟﮑﺸﻤﯽ ﺑﻠﮉﻧﮓ ﺑﺠﻠﯽ ﮐﮯ ﻣﺤﮑﻤﮯ ﮐﯽ ﻣﺴﺘﻌﺪﯼ ﮐﯽ ﺗﺼﻮﯾﺮ ﺑﻨﯽ ﺍﻧﺪﮬﯿﺮﮮ ﻣﯿﮟ ﺑﮭﻮﺕ ﺑﻨﮕﻠﮯ ﮐﯽ ﻣﺎﻧﻨﺪ ﻧﻈﺮ ﺁﺭﮨﯽ ﺗﮭﯽ۔ﺟﺐ ﻣﯿﺮﮮ ﻗﺪﻡ ﺳﯿﮍﮬﯽ ﻣﯿﮟ ﮔﮭﭩﻨﮯ ﭘﯿﭧ ﺳﮯ ﻟﮕﺎﺋﮯ ﺑﯿﭩﮭﮯ ﻣﯿﺮﻭ ﺳﮯ ﭨﮑﺮﺍﺋﮯ ﺗﻮ ﺯﮨﻦ ﻣﯿﮟ ﺁﻧﮯ ﻭﺍﻻ ﭘﮩﻼ ﺧﯿﺎﻝ ﮐُﺘﮯ ﮐﺎ ﮨﯽ ﺗﮭﺎ۔ ﻣﯿﮟ ﺳﻤﺠﮭﺎ ﺗﮭﺎ ﮐﮧ ﺷﺎﺋﯿﺪ ﻣﯿﺮﺍ ﭘﯿﺮ ﺑﺎﺭﺵ ﺳﮯ ﭘﻨﺎﮦ ﻟﯿﻨﮯ ﻭﺍﻟﮯ ﮐُﺘﮯ ﺳﮯ ﭨﮑﺮﺍ ﮔﯿﺎ ﮬﮯ ﻣﮕﺮ ﺟﺐ ﻣﺎﭼﺲ ﮐﯽ ﺗﯿﻠﯽ ﮐﯽ ﻟﺮﺯﺗﯽ ﺭﻭﺷﻨﯽ ﻣﯿﮟ ﺩﯾﮑﮭﺎ ﺗﻮ ﻭﮦ ﺍﻧﺴﺎﻥ ﺛﺎﺑﺖ ﮨﻮﺍ۔ﺍﺱ ﮐﮯ ﺑﺎﻭﺟﻮﺩ ﻣﯿﺮﮮ ﺫﮨﻦ ﻣﯿﻦ ﺍﯾﮏ ﮐُﺘﮯ ﮨﯽ ﮐﺎ ﺧﯿﺎﻝ ﺁﯾﺎ۔ﺍﭘﻨﮯ ﻣﺎﻟﮏ ﺍﻭﺭ ﭼﯿﻒ ﺍﯾﮉﯾﭩﺮ ﻣﻮﮨﻦ ﻻﻝ ﮐﯽ ﺑﯿﻮﯼ ﮐﮯ ﭼﮩﯿﺘﮯ ﮐُﺘﮯ ﮐﺎ ﺟﺲ ﮐﮯ ﻟﯿﯽ ﻣﺠﮭﮯ ﻣﻼﺯﻡ ﺗﻼﺵ ﮐﺮﻧﺎ ﺗﮭﺎ۔
ﻧﮧ ﺟﺎﻧﮯ ﻣﻮﮨﻦ ﻻﻝ ﺍﻭﺭﺍﺱ ﮐﯽ ﺑﯿﻮﯼ ﮐﻮ ﮐُﺘﻮﮞ ﺳﮯ ﺍﺗﻨﯽ ﺩﻟﭽﺴﭙﯽ ﮐﯿﻮﮞ ﺗﮭﯽ؟
ﺩﯾﺲ ﺩﯾﺲ ﮐﮯ ﮐُﺘﮯ ﭘﺎﻝ ﺭﮐﮭﮯ ﺗﮭﮯ ۔ ﮨﺮ ﮐُﺘﮯ ﮐﮯ ﻟﺌﮯ ﺍﯾﮏ ﻣﻼﺯﻡ ﺍﻭﺭ ﺍﯾﮏ ﮐﻤﺮﮦ ﻣﺨﺼﻮ ﺹ ﺗﮭﺎ۔ ﮐﭽﮫ ﻟﻮﮔﻮﮞ ﮐﺎ ﺧﯿﺎﻝ ﺗﮭﺎ ﮐﮧ ﻣﻮﮨﻦ ﻻﻝ ﺍﻭﺭ ﺍُﺱ ﮐﯽ ﺑﯿﻮﯼ ﮐﺘُﻮﮞ ﮐﯽ ﭘﺮﻭﺭﺵ ﻣﯿﮟ ﺑﮯ ﺍﻭﻻﺩ ﮨﻮﻧﮯ ﮐﺎ ﻏﻢ ﭼﮭﭙﺎﺗﮯ ﮨﯿﮟ ﻟﯿﮑﻦ ﻣُﺠﮭﮯ ﺍﺱ ﺑﺎﺕ ﺳﮯ ﺍﻧﮑﺎﺭ ﺗﮭﺎ۔ ﻣﻮﮨﻦ ﻻﻝ ﺟﯿﺴﮯ ﺳﯿﭩﮭﻮﮞ ﮐﯽ ﺍﻭﻻﺩ ﺩﻭ ﺗﯿﻦ ﺳﮯ ﺯﯾﺎﺩﮦ ﻧﮩﯿﮟ ﮨﻮﺗﯿﮟ۔ ﯾﮧ ﺗﻮ ﮨﻢ ﺟﯿﺴﮯ ﻏﺮﯾﺒﻮﮞ ﮐﺎﮨﯽ ﮐﺎ ﻡ ﮨﮯ ﮐﮧ ﻏﻠﮯ ﮐﯽ ﻃﺮﺡ ﺯﯾﺎﺩﮦ ﺳﮯ ﺯﯾﺎﺩﮦ ﺍﻭﻻﺩ ﭘﯿﺪﺍ ﮐﺮﻧﮯ ﻣﯿﮟ ﻟﮕﮯ ﺭﮨﺘﮯ ﮨﯿﮟ۔ﺍﺏ ﺑﮭﻼ ﺩﻭ ﺗﯿﻦ ﺑﭽﻮﮞ ﮐﮯ ﻧﮧ ﮨﻮﻧﮯ ﮐﺎ ﻏﻢ ﭼﮭﭙﺎﻧﮯ ﮐﮯ ﻟﺌﮯ ﭘﻨﺪﺭﮦ ﺑﯿﺲ ﮐُﺘﻮﮞ ﮐﯽ ﭘﺮﻭﺭﺵ ﺑﮭﯽ ﮐﻮﺋﯽ ﺗُﮏ ﮨﮯ۔
ﮐﻮﻥ ﮨﮯ ﺑﮯ ۔۔۔۔۔۔۔۔۔؟
ﻣﯿﺮﯼ ﺍٓﻭﺍﺯ ﮐﺴﯽ ﮐُﺘﮯ ﮐﻮ ﻣﺎﺭﯼ ﺟﺎﻧﮯ ﻭﺍﻟﯽ ﻻﺕ ﺳﮯ ﮐﻢ ﻧﮧ ﺗﮭﯽ۔
۔۔۔۔۔۔۔ ﻣﯿﺮﻭُ ﮨﻮﮞ ﺑﺎﺑﻮﺟﯽ۔۔۔۔۔۔۔ ﺑﺎﮨﺮ ﺑﮍﯼ ﺳﺨﺖ ﺑﺎﺭﺵ ﮨﻮ ﺭﮨﯽ ﮨﮯ۔ ﻭﮦ ﮔﮭﮕﮭﯿﺎﺋﯽ ﮨﻮﺋﯽ ﺁﻭﺍﺯ ﻣﯿﮟ ﺑﻮﻻ۔ ﺍﺱ ﮐﯽ ﮔﮭﮕﮭﯿﺎﺋﯽ ﮨﻮُﺋﯽ ﺁﻭﺍﺯﺳﮯ ﻧﮧ ﺟﺎﻧﮯ ﻣُﺠﮭﮯ ﮐﯿﻮﮞ ﻃﻤﺎﻧﯿﺖ ﮐﺎ ﺍﺣﺴﺎﺱ ﮨﻮﺍ۔۔۔۔۔۔۔۔۔۔۔۔۔۔۔۔ﺍﯾﺴﺎ ﺍﺣﺴﺎﺱ ﻣﯿﺮﮮ ﻣﺎﻟﮏ ﮐﻮ ﺑﮭﯽ ﮨﻮﺗﺎ ﮨﻮﮔﺎ ﺟﻮ ﭘﭽﮭﻠﮯ ﺩﺱ ﺑﺮﺱ ﺳﮯ ﻣﺠﮭﮯ ﻧﻮﮐﺮﯼ ﺳﮯ ﻧﮑﺎﻝ ﺩﯾﻨﮯ ﮐﯽ ﺩﮬﻤﮑﯿﺎﮞ ﺩﮮ ﺭﮨﺎ ﮨﮯ ﺍﻭﺭ ﻣﯿﮟ ﺍُﺱ ﮐﮯ ﺳﺎﻣﻨﮯ ﮔﮭﮕﮭﯿﺎ ﺭﮨﺎ ﺗﮭﺎ ﯾﮩﯽ ﺳﻮﭼﺘﮯ ﮨﻮﺋﮯ ﻣﯿﮟ ﻧﮯ ﺗﺎﻻ ﮐﮭﻮﻻ ﺍﻭﺭ ﺍﻧﺴﺎﻧﻮﮞ ﮐﮯ ﮐﺎﺑُﮏ ﻣﯿﮟ ﺩﺍﺧﻞ ﮨﻮ ﮔﯿﺎ ﺟﺴﮯ ﻋُﺮﻑ ﻋﺎﻡ ﻣﯿﮟ ﻓﻠﯿﭧ ﮐﮩﺘﮯ ﮨﯿﮟ۔۔۔
ﻣﻮﻡ ﺑﺘﯽ ﮐﯽ ﭨﻤﭩﻤﺎﺗﯽ ﺭﻭﺷﻨﯽ ﻣﯿﮟ ﭼﺎﺭﭘﺎﺋﯽ ﭘﺮ ﻟﯿﭩﺎ ﺗﻮ ﺗﻨﮩﺎﺋﯽ ﮐﮯ ﺍﺣﺴﺎ ﺱ ﮐﮯ ﺳﺎﺗﮫ ﮨﯽ ﺧﯿﺎﻝ ﺁﯾﺎ ﮐﮧ ﮐﯿﻮﮞ ﻧﺎ ﺍﺱ ﭨﮭﻨﮉ ﻣﯿﮟ ﺳﯿﮍﮬﯽ ﭘﺮ ﺳﻮﺋﮯ ﻣﯿﺮﻭ ﮐﻮ ﺍﻧﺪﺭ ﺑﻼ ﻟﻮﮞ ﻟﯿﮑﻦ ﮐﭽﮫ ﻋﺮﺻﮯ ﭘﮩﻠﮯ ﮐﯽ ﺍﺧﺒﺎﺭ ﮐﯽ ﻭﮦ ﺧﺒﺮ ﯾﺎﺩ ﺁﺋﯽ ﮐﮯ ﺟﺲ ﻣﯿﮟ ﺍﯾﮏ ﻣﮩﻤﺎﻥ ﺍﭘﻨﮯ ﻣﯿﺰﺑﺎﻥ ﮐﻮ ﻗﺘﻞ ﮐﺮ ﮐﮯ ﮔﮭﺮ ﮐﺎ ﺻﻔﺎﯾﺎ ﮐﺮ ﮔﯿﺎ ﺗﮭﺎ ﺩﻝ ﻣﯿﮟ ﺧﻮﻑ کی شمع ﮐﻮ ﺟﺐ ﺿﻤﯿﺮ ﻧﮯ ﺍﭘﻨﯽ ﺁﻧﮑﮫ ﺳﮯ ﺭﻭﺷﻦ ﮐﯿﺎ ﺗﻮ ﺗﻨﮩﺎﺋﯽ ﮐﻮ ﻏﻨﯿﻤﺖ ﺟﺎﻧﺎ۔۔
ﺳﻮﯾﺮﮮ ﺣﻤﺎﻡ ﺟﺎﺗﮯ ﮨﻮﺋﮯ ﻣﯿﮟ ﻧﮯ ﻣﯿﺮﻭ ﮐﻮ ﻏﻮﺭ ﺳﮯ ﺩﯾﮑﮭﺎ ،ﺑﮍﮬﮯ ﮨﻮﺋﮯ ﺑﺎﻟﻮﮞ ﮐﮯ ﺳﺎﺗﮫ ﺑﮯ ﺗﺮﺗﯿﺐ ﺩﺍﮌﮬﯽ،ﭘﮭﭩﯽ ﺑُﺸﺮﭦ، ﺟﻮ ﮐﻤﺰﻭﺭ ﺟﺴﻢ ﺳﮯ ﺟﮭﺎﻧﮑﺘﯽ ﭘﺴﻠﯿﻮﮞ ﮐﯽ ﭘﺮﺩﮦ ﭘﻮﺷﯽ ﺳﮯ ﻗﺎﺻﺮ ﺗﮭﯽ۔ﺍﻧﺘﮩﺎﺋﯽ ﻣﯿﻠﯽ ﮔﮭﺴﯽ ﭘﺘﻠﻮﻥ ﺟﺲ ﮐﺎ ﺍﺻﻞ ﺭﻧﮓ ﻧﮧ ﺟﺎﻧﮯ ﮐﻮﻥ ﺳﺎ ﺗﮭﺎ۔ ﻣﯿﺮﮮ ﺟﮕﺎﻧﮯ ﭘﺮ ﻭﮦ ﮨﮍﺑﮍﺍ ﮐﺮ ﺍُﭨﮫ ﺑﯿﭩﮭﺎ۔ ﺍﺱ ﺳﮯ ﭘﮩﻠﮯ ﮐﮧ ﻭﮦ ﮐﭽﮫ ﮐﮩﺘﺎ،ﻣﯿﮟ ﻧﮯ ﺍُﺳﮯ ﺍﭘﻨﮯ ﭘﯿﭽﮭﮯ ﺁﻧﮯ ﮐﺎ ﺍﺷﺎﺭﮦ ﮐﯿﺎ ﺗﻮ ﻭﮦ ﺧﺎﻣﻮﺷﯽ ﮐﮯ ﺳﺎﺗﮫ ﻣﯿﺮﮮ ﭘﯿﭽﮭﮯ ﮨﻮ ﻟﯿﺎ۔ ﻧﻈﺎﻡ ﺩﯾﻦ ﺣﺠﺎﻡ ﻣﯿﺮﻭ ﮐﻮ ﺍﻧﺴﺎﻥ ﺑﻨﺎﺗﮯ ﮨﻮﺋﮯ ﺁﻧﮑﮭﻮﮞ ﮨﯽ ﺁﻧﮑﮭﻮﮞ ﻣﯿﮟ ﻣﺠﮫ ﺳﮯ ﻣﯿﺮﻭ ﮐﮯ ﻣﺘﻌﻠﻖ ﻣﺨﺘﻠﻒ ﺳﻮﺍﻻﺕ ﭘﻮﭼﮭﺘﺎ ﺭﮦ ﺍﯾﮧ ﻭﮦ ﺳﻮﺍﻻﺕ ﺗﮭﮯ ﺟﻦ ﮐﮯ ﺟﻮﺍﺏ ﻣﯿﺮﻭ ﻧﮯ ﻣﻠﺒﺎﺭﯼ ﮐﮯ ﮨﻮﭨﻞ ﻣﯿﮟ ﻧﺎﺷﺘﮧ ﮐﺮﺗﮯ ﮨﻮﺋﮯ ﺍﭘﻨﯽ ﮐﮩﺎﻧﯽ ﮐﯽ ﺻﻮﺭﺕ ﻣﯿﮟ ﺩﺋﮯ ﺗﮭﮯ۔۔
ﺑﺎﺑﻮ ﺟﯽ ﻣﯿﺮﺍ ﺑﺎﭖ ﺑﮍﺍ ﻧﺎﻣﯽ ﮔﺮﺍﻣﯽ ﺁﺩﻣﯽ ﺗﮭﺎ۔ ﺍُﺱ ﮐﯽ ﺍﯾﮏ ﺁﻭﺍﺯ ﭘﺮ ﺑﺎﺯﺍﺭ ﮐﯽ ﺳﺎﺭﯼ ﮐﮭﮍﮐﯿﺎﮞ ﺍﻭﺭ ﺩﺭﻭﺍﺯﮮ ﺑﻨﺪ ﮨﻮ ﺟﺎﺗﮯ ﺗﮭﮯ۔ ﺑﺎﺯﺍﺭ ﮐﯽ ﮨﺮ ﻋﻮﺭﺕ ﺍُﺱ ﮐﮯ ﻧﺎﻡ ﺳﮯ ﮐﺎﻧﭙﺘﯽ ﺗﮭﯽ۔ ﻣﯿﺮﯼ ﻣﺎﮞ ﺑﮭﯽ ﻭﮨﯿﮟ ﮨﻮﺗﯽ ﺗﮭﯽ۔ ﺑﮍﮮ ﺑﮍﮮ ﺳﯿﭩﮭﻮﮞ ﮐﯽ ﭘﯿﺸﺎﻧﯽ ﺍُﺱ ﮐﯽ ﭼﻮﮐﮭﭧ ﭘﺮ ﺟﮭُﮑﺘﯽ ﺗﮭﯽ۔ ﭘﺘﺎ ﻧﮩﯿﮟ ﻣﯿﺮﮮ ﺑﺎﭖ ﻣﯿﮟ ﺍُﺱ ﻧﮯ ﮐﯿﺎ ﺩﯾﮑﮭﺎ ﺗﮭﺎ ﮐﮧ ﺍُﺱ ﺳﮯ ﺷﺎﺩﯼ ﺭﭼﺎ ﻟﯽ ۔ ﺟﺐ ﻣﯿﮟ ﻧﮯ ﮨﻮﺵ ﺳﻨﺒﮭﺎﻻ ﺗﻮ ﺍﺣﺴﺎﺱ ﮨﻮﺍ ﮐﮧ ﻣﯿﺮﯼ ﻣﺎﮞ ﻣﺠﮭﮯ ﮨﻤﯿﺸﮧ ﺍﭘﻨﮯ ﺁﭖ ﺳﮯ ﺩﻭﺭ ﺭﮐﮭﻨﮯ ﮐﯽ ﮐﻮﺷﺶ ﮐﺮﺗﯽ ﮨﮯ۔ ﻣﯿﺮﺍ ﺑﺎﭖ ﺭﻭﺯ ﺷﺎﻡ ﮐﻮ ﺍُﺳﮯ ﺑﻨﺎ ﺳﻨﻮﺍﺭ ﮐﺮ ﻟﮯ ﺟﺎﺗﺎ ﺍﻭﺭ ﻣﯿﮟ ﺍُﺱ ﮐﺎ ﺍﻧﺘﻈﺎﺭ ﮐﺮﺗﺎ ﺭﮨﺘﺎ ۔ ﺍﯾﮏ ﺑﺎﺭ ﻣﯿﮟ ﻧﮯ ﺍُﻥ ﮐﮯ ﺳﺎﺗﮫ ﺟﺎﻧﮯ ﮐﯽ ﺿﺪ ﮐﯽ ﺗﻮ ﺍُﻧﮩﻮﮞ ﻧﮯ ﻣﺠﮭﮯ ﺑﮩﺖ ﻣﺎﺭﺍ ﺍﻭﺭ ’’ ﮐُﺘﮯ ‘‘ ﮐﯽ ﺯﻧﺠﯿﺮ ﮐﮯ ﺳﺎﺗﮫ ﺑﺎﻧﺪﮪ ﮐﺮ ﮐﺮ ﭼﻠﮯ ﮔﺌﮯ ﭘﮭﺮ ﻣﯿﮟ ﻧﮯ ﮐﺒﮭﯽ ﺿﺪ ﻧﮧ ﮐﯽ۔ ﺑﺲ ﺍﻧﺘﻈﺎﺭ ﮐﺮﺗﺎ ﺭﮨﺘﺎ۔ ﺻﺒﺢ ﺍﺁﻧﮑﮫ ﮐﮭﻠﺘﯽ ﺗﻮ ﻣﺎﮞ ﭘﻠﻨﮓ ﭘﺮ ﺳﻮ ﺭﮨﯽ ﮨﻮﺗﯽ۔ﭘﻠﻨﮓ ﺍﻭﻧﭽﺎ ﮨﻮﻧﮯ ﮐﯽ ﻭﺟﮧ ﺳﮯ ﻣﯿﮟ ﺍُﺱ ﺗﮏ ﻧﮩﯿﮟ ﭘﮩﻨﭻ ﺳﮑﺘﺎ ﺗﮭﺎ۔ ﺍﺱ ﻟﯿﮯ ﭼﺎﺭﻭﮞ ﻃﺮﻑ ﭼﮑﺮ ﻟﮕﺎﺗﺎﺭﮨﺘﺎ۔ ﺟﺐ ﮐﺒﮭﯽ ﺍُﺱ ﮐﯽ ﺁﻧﮑﮫ ﮐﮭﻠﺘﯽ ﭘﮩﻠﮯ ﺗﻮ ﻭﮦ ﻣﺠﮭﮯ ﮔﮭﻮﺭﺗﯽ ﭘﮭﺮ ﮐﮩﺘﯽ ۔۔ ’’ ﮐﯿﺎ ﮐُﺘﮯ ﮐﯽ ﻃﺮﺡ ﮔﮭﻮﻡ ﺭﮨﺎ ﮨﮯ ‘‘
ﺟﺐ ﺑﮍﺍ ﮨﻮﺍ ﺗﻮ ﭘﺘﺎ ﭼﻼ ﮐﮧ ﻣﯿﺮﺍ ﺑﺎﭖ ﮐﻨﺪﻥ ﺑﺪ ﻣﻌﺎﺵ ﻧﮩﯿﮟ ﺑﻠﮑﮧ ﺍﯾﮏ ﺑﮩﺖ ﺑﮍﺍ ﺳﯿﭩﮫ ﮨﮯ۔ ﯾﮧ ﺳﺐ ﺑﺎﺗﯿﮟ ﻣﯿﺮﯼ ﻣﺎﮞ ﻧﮯ ﻧﺸﮯ ﻣﯿﮟ ﭼﯿﺦ ﭼﯿﺦ ﮐﺮ ﻣﯿﺮﮮ ﺑﺎﭖ ﮐﻮ ﺑﺘﺎﺋﯽ ﺗﮭﯿﮟ۔ﺍُﺱ ﻧﮯ ﻣﯿﺮﯼ ﻣﺎﮞ ﮐﻮ ﻗﺘﻞ ﮐﺮ ﺩﯾﺎ ﺍﻭﺭ ﺧﻮﺩ ﻧﮧ ﺟﺎﻧﮯ ﮐﮩﺎﮞ ﺑﮭﺎﮒ ﮔﯿﺎ۔۔۔۔۔
’’ ﭘﮭﺮ ﺑﺎﺑﻮ ﺟﯽ ﻣﯿﮟ ﻧﮯ ﺑﮍﮮ ﺩﮬﮑﮯ ﮐﮭﺎﺋﮯ ‘‘ ﺍُﺱ ﻧﮯ ﺁﮦ ﺑﮭﺮﺗﮯ ﮨﻮﺋﮯ ﮐﮩﺎ، ﻓﺎﻗﮯ ﮐﺌﮯ ، ﺑﮭﯿﮏ ﻣﺎﻧﮕﯽ ، ﻟﯿﮑﻦ ﮨﺮ ﺟﮕﮧ ’’ ﮐُﺘﮯ ‘‘ ﮐﯽ ﻃﺮ ﺡ ﺩﮬﺘﮑﺎﺭﺍ ﮔﯿﺎ ﭘﮭﺮ ﯾﮧ ﻟﻔﻆ ﻣﯿﺮﯼ ﭼﮍ ﺑﻦ ﮔﯿﺎ۔ ﮐﺒﮭﯽ ﮐﺴﯽ ﻧﮯ ﻣﺰﺩﻭﺭﯼ ﺩﯾﺘﮯ ﮨﻮﺋﮯ ﮐُﺘﺎ ﮐﮩﺎ ﺗﻮ ﮐﺴﯽ ﻧﮯ ﺑﮭﯿﮏ ﺩﯾﺘﮯ ﮨﻮﺋﮯ۔ ﯾﮩﺎﮞ ﺗﮏ ﮐﮧ ﻓﺎﻗﮯ ﻣﯿﮟ ﺑﮭﻮﮎ ﮐﯽ ﺷﺪﺕ ﺳﮯ ﺍﮔﺮ ﺳﮍﮎ ﮐﮯ ﮐﻨﺎﺭﮮ ﭘﮍﺍ ﮨﻮﺗﺎ ﺗﮭﺎ ﺗﻮ ﺑﮭﯽ ﯾﮩﯽ ﺳﻨﺎﺋﯽ ﺩﯾﺘﺎ ﺗﮭﺎ۔ ﮐﯿﺴﺎ ﮐُﺘﮯ ﮐﯽ ﻃﺮﺡ ﭘﮍﺍ ﮨﮯ ۔۔۔۔۔۔۔۔۔ ﮐﺒﮭﯽ ﮐﺒﮭﯽ ﺗﻮ ﺑﺎﺑﻮ ﺟﯽ ﯾﻮﮞ ﻟﮕﺘﺎ ﮨﮯ ﮐﮧ ﻣﯿﮟ ﺑﮭﻮﻧﮑﻨﮯ ﻟﮕﻮﮞ ﮔﺎ۔ ‘‘
ﺩﻓﺘﺮ ﺟﺎﺗﮯ ﮨﻮﺋﮯ ﻣﯿﮟ ﻧﮯ ﺍﺳﮯ ﺷﺎﻡ ﮐﻮ ﮨﻮﭨﻞ ﻣﯿﮟ ﻣﻠﻨﮯ ﮐﮯ ﺳﺎﺗﮫ ﺳﺎﺗﮫ ﮐﮩﯿﮟ ﻧﻮﮐﺮﯼ ﺩﻻﻧﮯ ﮐﺎ ﺑﮭﯽ ﻭﻋﺪﮦ ﮐﺮ ﻟﯿﺎ۔
ﻣﻮﮨﻦ ﻻﻝ ﻧﮯ ﺟﺐ ﺩﻓﺘﺮ ﻣﯿﮟ ﺍﭘﻨﮯ ﻧﺌﮯ ﮐُﺘﮯ ﮐﮯ ﺑﺎﺭﮮ ﻣﯿﮟ ﭘﻮﭼﮭﺎ ﺗﻮ ﻣﯿﺮﮮ ﺫﮨﻦ ﻣﯿﮟ ﻣﯿﺮﻭ ﮐﺎ ﺧﯿﺎﻝ ﺍٓﮔﯿﺎ ۔ﺷﺎﻡ ﮐﻮ ﻣﯿﮟ ﻧﮯ ﻣﯿﺮﻭ ﮐﻮﺑﺘﺎﯾﺎ ﮐﮧ ﺍُﺱ ﮐﯽ ﻧﻮﮐﺮﯼ ﮐﺎ ﺍﻧﺘﻈﺎﻡ ﮨﻮ ﮔﯿﺎ ﮨﮯ ﺗﻮ ﻭﮦ ﺑﮩﺖ ﺧﻮﺵ ﮨﻮﺍ۔ ﻟﯿﮑﻦ ﺟﺐ ﺍُﺳﮯ ﭘﺘﺎ ﭼﻼ ﮐﮧ ﻭﮦ ﮐﺘﮯ ﮐﯽ ﺩﯾﮑﮫ ﺑﮭﺎﻝ ﮐﮯ ﻟﯿﮯ ﻧﻮﮐﺮ ﺭﮐﮭﺎ ﮔﯿﺎ ﮨﮯ ﺗﻮﻭﮦ ﮐﺎﻓﯽ ﺩﯾﺮ ﮐﭽﮫ ﺳﻮﭼﺘﺎ ﺭﮨﺎ۔۔۔۔۔ ﻣﮕﺮ ﭘﮭﺮ ﺍُﺱ ﻧﮯ ﺳﺮ ﮨﻼ ﮐﺮ ﮨﺎﻣﯽ ﺑﮭﺮ ﻟﯽ۔ﺍُﺳﯽ ﺷﺎﻡ ﻣﯿﮟ ﻧﮯ ﻣﯿﺮﻭ ﮐﮧ ﻣﻮﮨﻦ ﻻﻝ ﮐﯽ ﮐﻮﭨﮭﯽ ﭘﺮ ﭘﮩﻨﭽﺎ ﺩﯾﺎ۔
ﺩﻭ ﭼﺎﺭ ﺭﻭﺯ ﺑﻌﺪ ﻣﯿﺮﻭ ﻣﺠﮭﮯ ﻣﻼ ﺗﻮ ﻭﮦ ﺑﮩﺖ ﺧﻮﺵ ﺗﮭﺎ ۔ﻭﮦ ﺟﺘﻨﯽ ﺩﯾﺮ ﻣﯿﺮﮮ ﺳﺎﺗﮫ ﺭﮨﺎ ﺳﯿﭩﮭﺎﻧﯽ ﮐﮯ ﮐﺘﮯ ﮐﯽ ﯾﻮﮞ ﺗﻌﺮﯾﻒ ﮐﺮﺗﺎ ﺭﮨﺎ ﺟﯿﺴﮯ ﺍُﺳﮯ ﮐﺘﮯ ﭘﺮ ﺭﺷﮏ ﺁﺭﮨﺎﮨﻮ ۔ ﺍ ﺱ ﻧﮯ ﺑﺘﺎﯾﺎ ﮐﮧ ﮐﺘﮯ ﮐﻮ ﺩﻥ ﻣﯿﮟ ﺩﻭ ﺗﯿﻦ ﺑﺎﺭ ﺩﻭﺩﮪ ﺍﻭﺭ ﺑﮩﺘﺮﯾﻦ ﮔﻮﺷﺖ ﮐﮭﻼﯾﺎ ﺟﺎﺗﺎ ﮨﮯ ﺍﻋﻠﯽٰ ﺷﯿﻤﭙﻮ ﺳﮯ ﻧﮩﻼﯾﺎ ﺟﺎﺗﺎ ﮨﮯ ﺍُﺱ ﮐﮯ ﻟﯿﮯ ﮐﺘﻮﮞ ﮐﯽ ﺧﺎﺹ ﺧﻮﺭﺍﮎ ﺁﺗﯽ ﮨﮯ ﺟﻮ ﺑﮩﺖ ﻣﻨﮩﮕﯽ ﮨﮯ۔ ﺍﻭﺭ ﺍُﺱ ﻧﮯ ﺑﺘﺎﯾﺎ۔ ’’ ﺳﯿﭩﮭﺎﻧﯽ ﺍﮐﺜﺮﮐﺘﮯ ﺳﮯ ﺑﺎﺗﯿﮟ ﮐﺮﺗﯽ ﮨﮯ ﺍﻭﺭ ﮐﮩﺘﯽ ﮨﮯ ﺗﻮ ﻣﻮﮨﻦ ﻻﻝ ﮐﯽ ﻃﺮﺡ ﻧﺎﻣﺮﺩ ﺗﻮ ﻧﮩﯿﮟ ﮨﮯ ﻧﮧ ﺗﻮُ ﺗﻮ ﻣﺮﺩ ﮨﮯ۔ﺗﻮُ ﻣﯿﺮﺍ ﻣﻮﮨﻦ ﻻﻝ ﮨﮯ ‘‘ ۔
ﻭﮦ ﮐﺘﮯ ﮐﻮ ﺍﭘﻨﮯ ﺳﺎﺗﮫ ﺳُﻼﺗﯽ ﮨﮯ۔ ﭘﮭﺮ ﺍﭼﺎﻧﮏ ﻭﮦ ﺧﺎﻣﻮﺵ ﮨﻮ ﮔﯿﺎ۔۔۔۔۔۔۔۔۔۔۔۔۔۔۔۔
ﺍﻭﺭ ﮐﭽﮫ ﺩﯾﺮ ﮐﯽ ﺧﺎﻣﻮﺷﯽ ﮐﮯ ﺑﻌﺪ ﺍﭼﺎﻧﮏ ﺟﺎﻧﮯ ﮐﮯ ﻟﯿﯽ ﮐﮭﮍﺍ ﮨﻮ ﮔﯿﺎ۔۔۔۔۔۔۔۔۔
ﺍﯾﮏ ﮨﻔﺘﮯ ﮐﮯ ﺑﻌﺪ ﻣﻮﮨﻦ ﻻﻝ ﻧﮯ ﻣﺠﮭﮯ ﺍﭘﻨﮯ ﺩﻓﺘﺮ ﻣﯿﮟ ﺑﻼﯾﺎ ﺍﻭﺭ ﻣﺠﮭﮯ ﻣﯿﺮﻭ ﺟﯿﺴﺎ ﺍٓﺩﻣﯽ ﻣﻼﺯﻡ ﺭﮐﮭﻮﺍﻧﮯ ﭘﺮ ﻟﻌﻨﺖ ﻣﻼﻣﺖ ﮐﺮﺗﮯ ﮨﻮﺋﮯ ﺑﺘﺎﯾﺎ ﮐﮯ ﺍُﺱ ﻧﮯ ﻣﯿﺮﻭ ﮐﻮ ﺟﯿﻞ ﺑﮭﺠﻮﺍﺩﯾﺎ ﮨﮯ۔۔۔۔۔۔۔۔ ﮐﯿﻮﻧﮑﮯ ﻣﯿﺮﻭ ﻧﮯ ﻧﮧ ﺻﺮﻑ ﺳﯿﭩﮭﺎﻧﯽ ﮐﮯ ﭼﮩﯿﺘﮯ ﮐﺘﮯ ﮐﻮ ﺟﺎﻥ ﺳﮯ ﻣﺎﺭ ﺩﯾﺎ ﺗﮭﺎ، ﺳﺎﺗﮫ ﮨﯽ ﺩﺳﺖ ﺩﺭﺍﺯﯼ ﺑﮭﯽ ﮐﯽ ﺗﮭﯽ۔
ﻣﯿﮟ ﮔﮭﮕﮭﯿﺎ ﮐﺮ ﻣﻮﮨﻦ ﻻﻝ ﺳﮯ ﻣﻌﺬﺭﺕ ﮨﯽ ﮐﺮﺗﺎ ﺭﮨﺎ ۔ﮐﯿﻮﻧﮑﮧ ﻣﯿﮟ ﺟﺎﻧﺘﺎ ﺗﮭﺎ ﮐﮧ ﺳﯿﭩﮫ ﮐﯽ ﺍﻭﭘﺮ ﻭﺍﻟﻮﮞ ﺳﮯ ﮐﺘﻨﯽ ﺳﻼﻡ ﺩُﻋﺎ ﮨﮯ۔ﺍﮔﺮ ﻭﮦ ﻣﯿﺮﻭ ﮐﻮ ﮐﺘﺎ ﻣﺎﺭﻧﮯ ﮐﮯ ﺟﺮﻡ ﻣﯿﮟ ﺟﯿﻞ ﺑﮭﺠﻮﺍ ﺳﮑﺘﺎ ﮨﮯ ﺗﻮ ﭘﮭﺮ ﺍﺱ ﺟﺮﻡ ﻣﯿﮟ ﻣﺪﺩ ﮔﺎﺭ ﮐﯽ ﺣﯿﺜﯿﺖ ﺳﮯ ﻣﺠﮭﮯ ﺟﯿﻞ ﺑﮭﺠﻮﺍﻧﺎ ﺍُﺱ ﮐﮯ ﻟﺌﮯ ﻧﺎ ﻣﻤﮑﻦ ﻧﮩﯿﮟ۔
ﮐﭽﮫ ﻋﺮﺻﮯ ﮐﮯ ﺑﻌﺪ ﻣﯿﺮﮮ ﺫﮨﻦ ﮐﯽ ﺳﻠﯿﭧ ﺳﮯ ﻣﯿﺮﻭ ﮐﺎ ﻧﺎﻡ ﺻﺎﻑ ﮨﻮ ﮔﯿﺎ۔
ﺍٓﺝ ﺟﺐ ﻣﯿﮟ ﺍﺧﺒﺎﺭ ﮐﮯ ﻟﺌﮯ ﺍﯾﮏ ﺁﺭﭨﯿﮑﻞ ﮐﮯ ﺳﻠﺴﻠﮯ ﻣﯿﮟ ﺍﺱ ﭘﺎﮔﻞ ﺧﺎﻧﮯ ﻣﯿﮟ ﺁﯾﺎ ﮬﻮﮞ ﺗﻮ ﻣﯿﺮﻭ ﻣﯿﺮﮮ ﺳﺎﻣﻨﮯ ﻣﻮﺟﻮﺩ ﮨﮯ۔
’’ ﭼﻠﯿﮯ ﺻﺎﺣﺐ ! ﺍﻧﺪﺭ ﭼﻠﯿﮟ ‘‘ ﮈﺍﮐﭩﺮ ﺳﻨﮕﮫ ﻧﮯ ﻣﯿﺮﮮ ﮐﻨﺪﮬﮯ ﭘﺮ ﮨﺎ ﺗﮫ ﺭﮐﮭﺎ ﺗﻮ ﻣﯿﮟ ﭼﻮﻧﮏ ﺍُﭨﮭﺎ ۔ ﺍﺱ ﺳﮯ ﭘﮩﻠﮯ ﮐﮯ ﻣﯿﮟ ﻗﺪﻡ ﺁﮔﮯ ﺑﮍﮬﺎ ﺗﺎ ﻣﯿﺮﻭ ﻧﮯ ﻣﺠﮭﮯ ﭘُﮑﺎﺭﺍ۔
’’ ﺑﺎﺑﻮ ﺟﯽ۔ ﺑﺎﺑﻮ ﺟﯽ۔ ‘‘
ﻣﯿﺮﮮ ﮔﻠﮯ ﻣﯿﮟ ﺟﯿﺴﮯ ﮐﺴﯽ ﻧﮯ ﺯﻧﺠﯿﺮ ﮈﺍﻝ ﺩﯼ۔ ﻣﯿﮟ ﭘﻠﭧ ﮐﺮ ﻣﯿﺮﻭ ﮐﮯ ﮐﻤﺮﮮ ﮐﯽ ﻃﺮﻑ ﺟﺎﻧﮯ ﻟﮕﺎ ﺗﻮ ﮈﺍﮐﭩﺮ ﺳﻨﮕﮫ ﻧﮯ ﻣﺠﮭﮯ ﺭﻭﮐﺘﮯ ﮨﻮﺋﮯ ﮐﮩﺎ۔ ’’ ﻗﺮﯾﺐ ﻣﺖ ﺟﺎﺋﯿﮟ ﻭﮦ ﺑﮯ ﺣﺪ ﺧﻄﺮ ﻧﺎﮎ ﭘﺎﮔﻞ ﮨﮯ ‘‘ ۔
’’ ﺍﻥ ﺳﻼﺧﻮﮞ ﮐﮯ ﭘﯿﭽﮭﮯ ﻣﻮﺟﻮﺩ ﭘﺎﮔﻠﻮﮞ ﺳﮯ ﺫﯾﺎﺩﮦ ﺧﻄﺮﻧﺎﮎ ﭘﺎ ﮔﻞ ﺑﺎﮨﺮ ﮔﮭﻮﻡ ﺭﮨﮯ ﮨﯿﮟ ﮈﺍﮐﭩﺮ ﺳﻨﮕﮫ ‘‘ ۔
ﻣﯿﮟ ﻧﮯ ﻗﮩﻘﮩﮧ ﻟﮕﺎﺗﮯ ﮨﻮﺋﮯ ﮐﮩﺎ ﺗﻮ ﮈﺍﮐﭩﺮ ﺳﻨﮕﮫ ﺍﺱ ﻃﺮﺡ ﮔﮭﺒﺮﺍ ﮐﺮ ﭘﯿﭽﮭﮯ ﮨﭧ ﮔﯿﺎ ﺟﯿﺴﮯ ﻣﯿﮟ ﺳﻼﺧﻮﮞ ﺳﮯ ﺑﺎﮨﺮ ﺭﮦ ﺟﺎﻧﮯ ﻭﺍﻻ ﮐﻮﺋﯽ ﭘﺎﮔﻞ ﮨﻮﮞ۔
ﻣﯿﮟ ﻣﯿﺮﻭ ﮐﮯ ﻗﺮﯾﺐ ﭘﮩﻨﭽﺎ ﺗﻮ ﻭﮦ ﺳﻼﺧﻮﮞ ﺳﮯ ﺳﺮ ﺑﺎﮨﺮ ﻧﮑﺎﻟﻨﮯ ﮐﯽ ﮐﻮﺷﺶ ﮐﺮﺗﮯ ﮨﻮﺋﮯ ﺑﻮﻻ۔۔۔۔۔۔۔۔
’’ ﺑﺎﺑﻮ ﺟﯽ ﻣﺠﮭﮯ ﺳﯿﭩﮭﺎﻧﯽ ﮐﺎ ﮐُﺘﺎ ﺑﻨﺎ ﺩﯾﮟ ﻧﺎ ‘‘
’’ ﺑﺎﺑﻮ ﺟﯽ ﻣﺠﮭﮯ ﺳﯿﭩﮭﺎﻧﯽ ﮐﺎ ﮐُﺘﺎ ﺑﻨﺎ ﺩﯾﮟ ﻧﺎ ‘‘

مزید دکھائیں

متعلقہ

Close