خصوصینظم

اک جشنِ باوقار ہے چھبیس جنوری

اک وجہہِ افتخار ہے چھبیس جنوری

ڈاکٹر احمد علی برقیؔ اعظمی

اک جشنِ باوقار ہے چھبیس جنوری
اک وجہہِ افتخار ہے چھبیس جنوری

پرچم کشائی کیجئے ہرجا بصد خلوص
میزانِ اعتبار ہے چھبیس جنوری

دستور ہند کا تھا اسی دن ہوا نفاذ
اُس کی ہی یادگار ہے چھبیس جنوری

دنیا میں ہے جو ہند کی عظمت کا اک نشاں
وہ جشن شاندار ہے چھبیس جنوری

گلہائے رنگا رنگ ہیں اس کے نظر نواز
سب کے گلے کا ہار ہے چھبیس جنوری

سب کے سکون قلب کا باعث نہ ہو یہ کیوں
اک نخلِ سایہ دار ہے چھبیس جنوری

جتنا ہی دل لگانا ہے اس سے لگائیے
بس پیار پیار پیار ہے چھبیس جنوری

جتنا بھی کوئی ناز کرے اس پہ ہے وہ کم
برقیؔ ترا وقار ہے چھبیس جنوری

مزید دکھائیں

احمد علی برقی اعظمی

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

متعلقہ

Back to top button
Close