احمد علی برقیؔ اعظمی
فکر و فن پر متین طارق کے
ایک دن کا ہے آج سیمینار
…
تھے وہ صالح ادب کے اک معمار
ذات تھی جن کی باغپت کاوقار
…
اُن کے ادبی نقوش چوالیس
اُن کے عرض ہُنر کے ہیں شہکار
…
تھی عزیز اُن کو فکر اسلامی
’’ شمعِ عرفاں ‘‘ میں جس کا ہے اظہار
…
روح پرور ہے ان کی فکر جمیل
اُن کا انسان دوستی تھا شعار
…
ان کے اسلوب میں ہے رعنائی
جس کا اظہار ان کے ہیں اشعار
…
کہیں تنبیہ ہے کہیں اصلاح
کرتے ہیں جو ضمیر کو بیدار
…
ان کے فرزند ہیں ذکیؔ طارق
داد و تحسین کے ہیں جو حقدار
…
کاش یہ کام پہلے ہوجاتا
ہیں پس از مرگ سرخرو فنکار
…
وہ ہیں برقیؔ کو جان و دل سے عزیز
ہیں جو شعر و ادب کے خدمتگار
تبصرے بند ہیں۔