بیادِ نامور صحافی جی ڈی چندن

احمد علی برقی اعظمی

جی ڈی چندن تھے صحافت کے امام

جاری و ساری ہے جن کا فیض عام
تھا صحافت ان کا فطری مشغلہ
عہدِ نو کے تھے صحافی نیک نام
لکھتے تھے سود و زیاں سے بے نیاز
اس لیے تھے لایقِ صد احترام
کارنامے ان کے ہیں وردِ زباں
لیتے ہیں عزت سے ان کا لوگ نام
تھا طویل اردو صحافت کا سفر
جس میں وہ رہتے تھے سب سے تیز گام
تھے فروغ اردو میں وہ پیشگام
ان کی عملی زندگی کی یادگار
ہیں کئی ان کے نقوشِ بادوام
تھیں بہت سی ان میں برقی خوبیاں
صلح کُل کا دیتے تھے سب کو پیام

تبصرے بند ہیں۔