مسجدِ اقصٰی امریکہ کی جاگیر نہیں!

محمد وسیم

مسجدِ اقصٰی جسے بیت المقدس، یروشلم اور تیسرا حرم شریف بهی کہتے ہیں ، تینوں مذاہب یعنی یہود و نصاریٰ اور مسلمانوں کے درمیان مقدس سمجھا جاتا ہے، یہ ہمیشہ سے تینوں مذاہب کے لئے مقدس رہا ہے۔ اس کے لئے جنگیں بھی لڑی گئیں ، تاریخی اہمیت کا حامل یہ جگہ ہمیشہ سے عالمی توجہ کا مرکز بهی رہا ہے۔ اس کی اپنی تاریخ ہے۔ آج کل یہ یہودیوں کے قبضے میں ہے، مگر تاریخ گواہ ہے کہ اس سرزمین کے ساتھ صرف مسلمانوں ہی نے انصاف کیا ہے۔ جب کہ یہودیوں اور عیسائیوں نے جب بھی اس سرزمین پر قدم رکھا تو ظلم و تشدد ہی کی تاریخ رقم کی۔ عیسائی جب اس سرزمین پر آےء تو تقریباً 70 ہزار مسلمانوں کا قتل کیا، مؤرخین لکھتے ہیں کہ معلوم ہوتا تھا کہ فلسطین میں خون کی ندیاں به رہی ہوں – مگر جب سلطان صلاح الدین ایوبی نے فلسطین کی سرزمین پر قدم رکھا، تو انصاف اور امن کی بہترین مثال قائم کی، اس مقدس سرزمین کی تقدیس کی گواہی اللہ تعالیٰ نے بھی دی ہے، قرآن پاک کی سورہء بنی اسرائیل آیت نمبر 1 میں ہے کہ پاک ہے وہ ذات جو اپنے بندے کو رات ہی رات میں مسجدِ حرام سے مسجدِ اقصٰی تک لے گیا، جس کے آس پاس ہم نے برکت دے رکھی ہے۔

مسجدِ اقصٰی روےء زمین پر مسجدِ حرام کے بعد دوسری مسجد ہے، نبی کریم صلی اللہ علیہ وسلم معراج جاتے ہوئے یہاں قیام کیا، اسی مسجد میں نبی کریم صلی اللہ علیہ وسلم نے 1 لاکھ 24 ہزار انبیائے کرام کی امامت فرمائی، یعنی تمام انبیائے کرام نے اس مسجد میں اپنا سر جھکایا ہے۔ یہ مسلمانوں کا قبلہء اول ہے، جس کی طرف آپ نے 13 مہینوں تک چہرہ کر کے نماز پڑهی ہے، معراج سے واپس ہوئے تو ابوجہل نے ان سے مسجدِ اقصٰی کے بارے میں دریافت کیا۔ تو اللہ نے معجزاتی طور پر آپ کے سامنے مسجدِ اقصٰی کو ظاہر کر دیا، اس میں ایک وقت کی نماز پڑھنے کا ثواب دیگر مسجدوں کے مقابلے میں 500 گنا زیادہ ہے- خلیفہء دوم حضرت عمر رضی عنہ اپنے دس سالہ دور خلافت میں کبهی مدینہ سے باہر نہیں نکلے، مگر جب انهیں خبر ملی کہ اسلامی فوج فلسطین کے کنارے پہنچ چکی ہے اور مسجدِ اقصٰی مسلمانوں کے قبضے میں ہے، تو حضرت عمر رضی اللہ عنہ خلافت کی کرسی خالی چھوڑ کر محض ایک سواری لے دیوانگی کے عالم میں مدینہ سے مسجدِ اقصٰی کی طرف دوڑ پڑے، حضرت عمر کو چابیاں دی گئیں ، جب تک حضرت عمر وہاں رہے، مسجدِ اقصٰی میں عبادت کرتے رہے، مسجدِ اقصٰی میں پانی تک نہیں پیتے تاکہ یہ سفر صرف مسجدِ اقصٰی میں عبادت کے لئے خاص ہو، اس طرح سے انهوں نے مسجدِ اقصٰی کو ہر طرح کے کفر و شرک سے پاک کیا۔

ظالم و غاصب اسرائیل کو 1948 میں چند منٹوں کے اندر روس، امریکہ اور برطانیہ نے ملک کے طور پر تسلیم کر کے عالمِ اسلام کو گہرا زخم دیا، اسرائیل کو آئینی حیثیت تسلیم کر کے باطل طاقتوں نے عربوں کے سینے پر خنجر گھونپنے کا کام کیا ہے، یہ محض اتفاق نہیں بلکہ عالمی صیہونی سازش تهی، جسے بزور طاقت دنیا کو منوایا گیا، اسرائیل کی حمایت ہمیشہ سے اقوامِ متحدہ اور امریک نے کی ہے، کیا وجہ ہے کہ اسرائیل اتنی بڑی فوجی طاقت ہونے کے باوجود بھی امریکہ ہر سال اسے فوجی امداد مہیا کرتا ہے، غرض کہ اسرائیل اقوامِ متحدہ اور امریکہ کی حرامی اولاد ہے۔ جس کی دیکھ بھال باطل طاقتوں کی طرف سے مسلسل جاری ہے، ابھی حال ہی میں ظالم امریکہ نے ظالم اسرائیل کی راجدھانی تل ابیب سے بیت المقدس منتقل کرنے کی منظوری دے دی ہے، یہ تاریخی ظالمانہ فیصلہ ہے، ویسے ظالم اسرائیل کا وجود ہی ناپاک ہے تو بیت المقدس کو اسرائیل کی راجدھانی قرار دینے کا کوئی مطلب ہی نہیں ہے، دنیائے انسانیت کو کیا یہ نہیں دکھتا کہ 1948 سے پہلے اس ملک کا وجود ہی نہیں تھا، اس کے ناپاک وجود کے بعد سے لے کر اب تک اسرائیل نے ظلم و ستم کی بھیانک تاریخ رقم کی ہے، مسجدِ اقصٰی کی حرمتوں کو ہمیشہ پامال کیا ہے، فلسطینیوں پر ہونے والے بے پناہ ظلم و ستم کے ذمہ دار وہ ظالم ممالک بھی ہیں ، جنهوں نے اسرائیل کو آئینی حیثیت سے تسلیم کیا ہے۔

قارئینِ کرام ! افسوس ہے کہ مسجدِ اقصٰی عرصہء دراز سے یہودیوں کے قبضے میں ہے، یہودی مسجدِ اقصٰی کی حرمت کی پامالی کرتے رہتے ہیں ۔ مسلمانوں کو کبهی اس میں نماز پڑھنے کا موقع میسر آ جاتا ہے تو کبهی ان کے لئے مسجد کے دروازے بند کر دےء جاتے ہیں۔ اسی سال رمضان میں یہودی فوجیوں نے مسجدِ اقصٰی میں گھس کر معتکفین اور نمازیوں کو زخمی کیا۔ مسجد کو نقصان پہونچایا، مگر ان کے ظالمانہ رویے کے خلاف فلسطینی مسلمان بے پناہ قربانیاں پیش کر رہے ہیں – دنیائے کفر کان کھول کر یہ بات سن لیں کہ فلسطین کی ایک انچ جگہ بھی اسرائیل اور امریکہ کی جاگیر نہیں ہے، مسجدِ اقصٰی صرف مسلمانوں کا ہے- بیت المقدس دو بار فتح ہوا۔ ایک بار حضرت عمر کی خلافت میں اور دوسری بار سلطان صلاح الدین ایوبی کے عہدِ حکومت میں – اور ایک بار پھر اللہ کے حکم سے مسجدِ اقصٰی ایک مومن جماعت کے ہاتھوں فتح ہوگا، یہودیوں کو ذلت و رسوائی نصیب ہوگی، اس وقت درخت اور پتھر بھی بول اٹھیں گے کہ اے اللہ کے بندے ! اے مسلمان ! میرے پیچھے ایک یہودی چھپا ہوا ہے، آءو ! اور اسے جلدی سے قتل کر ڈالو.(صحیح مسلم، حدیث : 2921)-

آخر میں میں اپنی تحریر کے آخر میں یہی کہنا چاہتا ہوں کہ مسجدِ اقصٰی مسلمانوں کا ہے، ہم فلسطینیوں کے ساتھ شانہ بشانہ کھڑے ہیں، ان کی ہر سطح پر حمایت کرتے ہیں – جب کہ اسرائیل کو ظالم حکومت تسلیم کرتے ہیں اور امریکہ کے ظالمانہ فیصلے کو ہم کبهی بھی برداشت نہیں کریں گے، نہیں کریں گے، نہیں کریں گے۔