مقصود اعظم فاضلی
ساری تعریفیں ہیں بس تجھ کو ہی زیبا یارب
پالنے والا ہے تو سارے جہاں کا یارب
…
حمد کے کیوں نہ مرے لب پہ ہوں نغمے جاری
تیری رحمت کے ہر اک آن ہیں چشمے جاری
…
کون ہے تیرے سوا روزِ جزا کا مالک
کون ہے تیرے سوا ارض و سما کا مالک
…
ہم فقط تیری ہی کرتے ہیں عبادت مولا
اور تجھ سے ہی طلب کرتے ہیں نصرت مولا
…
سیدھے رستے کی طرف راہ نمائی فرما
نیک بندوں کی طرف اپنے رسائی فرما
…
ان کے رستے سے بچا جو ترے مغضوب ہوئے
راہ حق چھوڑ کے ظلمات سے منسوب ہوئے
تبصرے بند ہیں۔