Warning: Constant WP_MEMORY_LIMIT already defined in /home/u849380803/domains/mazameen.com/public_html/wp-config.php on line 115
مضطرب آپ کے بِنا ہے جی - مضامین ڈاٹ کام

مضطرب آپ کے بِنا ہے جی

یہ محبّت بھی کیا بلا ہے جی

افتخار راغبؔ

مضطرب آپ کے بِنا ہے جی

یہ محبّت بھی کیا بلا ہے جی

.

جی رہا ہوں میں کتنا گھُٹ گھُٹ کر

یہ مِرا جی ہی جانتا ہے جی

.

میرے سینے میں جو دھڑکتا ہے

میرا دل ہے کہ آپ کا ہے جی

.

آپ اس کو بُرا سمجھتے ہیں

اپنا اپنا مشاہدہ ہے جی

.

اتنے معصوم آپ مت بنئے

آپ لوگوں کو سب پتا ہے جی

.

کیا بتاؤں کہ کتنی شدت سے

تم سے ملنے کو چاہتا ہے جی

.

چند یادیں ہیں چند سپنے ہیں

اپنے حصّے میں اور کیا ہے جی

.

آپ کا دیکھنا قیامت ہے

مرنے والا بھی جی اٹھا ہے جی

.

اہلِ فرقت کی زندگی راغبؔ

زندگی ہے کہ اِک سزا ہے جی

تبصرے بند ہیں۔