Warning: Constant WP_MEMORY_LIMIT already defined in /home/u849380803/domains/mazameen.com/public_html/wp-config.php on line 115
خالقِ حرف و صدا ہے تیری ذات - مضامین ڈاٹ کام

خالقِ حرف و صدا ہے تیری ذات

افتخار راغبؔ

خالقِ حرف و صدا ہے تیری ذات

مرکزِ حمد و ثنا ہے تیری ذات

…

ساری  دنیا  کا  ہے  پالن ہار  تُو

محورِ ارض و سما ہے تیری ذات

…

تیرے ہی رحم و کرم کی آس ہے

مالکِ یومِ جزا ہے تیری ذات

…

ہاتھ پھیلائے کوئی کس کے حضور

رب ہے تُو حاجت روا ہے تیری ذات

…

تُو ہی واقف ہے دلوں کے حال سے

منبعِ نورِ ہدیٰ ہے تیری ذات

…

ہے اگر کچھ تو ہے بس تیری عطا

کچھ نہیں تو آسرا ہے تیری ذات

…

کار سازی تیری ہر ذرّے میں ہے

ہر جگہ جلوہ نما ہے تیری ذات

…

مشکلیں راغبؔ کی بھی آسان کر

اے خدا! مشکل کشا ہے تیری ذات

تبصرے بند ہیں۔