دلربا سامنے آؤ تو کوئی بات بنے

محمد طاھر زلفی

(پیپل سانوی مرادآباد)

دلربا سامنے آؤ تو کوئی بات بنے

رخ سے پر دے کو اٹھاؤ تو کوئی  بات بنے

…

زلف شانے پہ سجاؤ تو کوئی بات بنے

چاند سے ابر ہٹاؤ تو کوئی  بات بنے

…

دل سے نفرت کو مٹاؤ تو کوئی  بات بنے

پیار کا دیپ جلاؤ تو کوئی  بات بنے

…

مجھکو اتنانہ ستاؤ تو کوئی  بات بنے

اپنے سینے سے لگاؤ تو کوئی  بات بنے

…

مرے خوابوں میں تو ہر روز چلے آتے ہو

میرے پہلو میں بھی آو تو کوئی  بات بنے

…

موج طوفاں میں پھنسی جاتی ہےکشتی مری

آکے ساحل سے لگاؤ تو کوئی  بات بنے

…

بوڑھے ماں باپ کی خدمت کاسھارالیکر

راہ جنت کی بناؤ تو کوئی بات بنے

…

بس کتابوں میں تواپنا مجھے لکھ لیتے  ہو

یہ زمانہ کو بتاؤ تو کوئی بات بنے

…

منتظر ہوں تری باہوں میں گزاروں راتیں

پھر حسیں گیت سناؤ تو کوئی  بات بنے

…

نیند آنکھوں سے چرانا عجب ہے لیکن

دل پہ خنجر کو چلاؤ تو کوئی  بات بنے

…

جام و مینا بھی ہیں حاصل مجھے زلفی لیکن

جام نظروں سے پلاؤ تو کوئی  بات بنے