ذکی طارق بارہ بنکوی
خواب میں خود کو جو ہم یوسفِ کنعاں دیکھیں
اس کا کیا راز ہے تعبیر میں پنہاں دیکھیں
۔
مجھ سے ملنے کے لئے تجھ کو پریشاں دیکھیں
آرزو تھی سبھی ایسے تجھے جاناں دیکھیں
۔
کاش ہو جائے تو نفرت سے محبت فطرت
تجھ پہ بھی ہوتے ہوئے دنیا کو حیراں دیکھیں
۔
جان، حسرت ہے فقط اپنی دوانی پا کر
باقی کل دنیا سے ہم تم کو گریزاں دیکھیں
۔
تم سے دوری کے اندھیروں میں کٹا دن سارا
ہوگئی رات چلو جشنِ چراغاں دیکھیں
۔
تو نے بخشا ہے خدایا اسے کیسا یہ جلال
اس کو چھوتے ہوئے ہر ہاتھ کو لرزاں دیکھیں
۔
دیکھو محفل میں مسیحا کوئی آیا ہے کیا
آج ہر شخص کو شادان ؤ فرحاں دیکھیں
۔
انقلاب ایسا کیا پیدا عزائم نے مرے
جاں گُسِل تھا جو کبھی اب ہے نگہباں دیکھیں
تبصرے بند ہیں۔