وہ ہے اور آب آب منظر ہے

عبدالکریم شاد

وہ ہے اور آب آب منظر ہے

کیا عجب بے نقاب منظر ہے

…

آئینہ دیکھ کر وہ کہتے ہیں

"واہ کیا لاجواب منظر ہے”

…

سب کے چہرے پہ ہے جو شادابی

سب کے دل میں خراب منظر ہے

…

پاؤں بڑھتے ہیں اس کی جانب ہی

وہ جو مثل سراب منظر ہے

…

وہ نگاہ کرم پڑے جس پر

بس وہی کام یاب منظر ہے

…

ہر گھڑی حال ہے یہی میرا

دل نظر اور خواب منظر ہے

…

وہ کہیں بھی نظر نہیں آتا

ہائے کتنا خراب منظر ہے

…

سب کھٹکتا ہے میری نظروں میں

وہ نہیں تو عذاب منظر ہے

…

شاد! نظروں کو تاب دید نہیں

کس قدر بے حجاب منظر ہے