جمالؔ کاکوی
اس کی نصرت پہ بھروسہ کیجئے
غیر کو ڈر کر نہ دیکھا کیجئے
…
چلنے والوں کے لئے سو راستے
بڑھتے قدموں کو نہ روکا کیجئے
…
جس جگہ انسانیت مفقود ہو
ایسی مجلس سے کنارا کیجئے
…
دشمنوں سے جنگ کے میدان میں
جنگ کی حالت میں دھوکا کیجئے
…
آنچ نہ آئے کسی مظلوم پر
بھاگنے والوں سے بھاگا کیجئے
…
آخری دم تک بندھی امید ہے
موت سے پہلے نہ ہارا کیجئے
…
زندگی جیسی جہنم ہو میاں
آپ جنت کی تمنا کیجئے
…
اے جمالؔ جنگ کے میدان میں
سر جھکا کر ، سر اٹھا یاکیجئے
تبصرے بند ہیں۔