احمد علی برقی اعظمی
بزم ادب کی شمع فروزاں تھے انتظار
افسانوی ادب میں جوتھے فخر روزگار
عہد رواں کے اہل قلم میں تھے معتبر
ان کی نگارشات کو حاصل ہے اعتبار
ہے ناولوں میں روح زماں ان کے منعکس
افسانے ان کے اردو ادب کے ہیں شاہکار
ماضی کی بازگشت ہیں ان کی نگارشات
دلی تھا جس کا نام بھی ہے ان کی یادگار
کرتے تھے وہ تلاش انھیں وہ جوکھو گئے
نثری ادب میں تھے وہ روایت کے پاسدار
جل گرجے خالی پنجرہ خیمے سے دور میں
ہے ذہنی کرب عصر گذشتہ کا آشکار
بر صغیر کے تھے ادیبوں کی شان وہ
بستی ہے حن کے طرز نگارش کا شاہکار
برقی ہیں اہل فکر ونظر ان کے معترف
اردو ادب کا عہد رواں میں تھے وہ وقار
تبصرے بند ہیں۔